Submit your work, meet writers and drop the ads. Become a member
Feb 2020
Di pipigilan
ang puso
na tumangis

Ang luha
sa pagpatak
nang dahan-dahan

Ilalakad pa rin
ang mga nanginging na paa
kahit masakit

Imumulat ang mga mata
habang lumuluha
at tinitingnan ka papalayo

Bubuksan ang kamay
lalo na't hindi
na hawak ang iyong palad

Hahagkan ang hangin
sa pagbabakasakaling
ika'y babalik

Titingnan ka na lang
sa malayo
at ngingiti

Sa pagkakataong iyon
alam kong ika'y
masaya sa kanyang piling

Hindi na pipilitin
at alam kong
ika'y di para sakin

At lalaging sasabihin
na kung hindi lang din ikaw
ay huwag na lang

Sa muling pagtatagpo
sa huling pagkikita
sa huling hininga
ikaw...
Alam ko namang kasalanan ko ang lahat. Hindi mo deserve ang lalaking katulad ko. Tatanggapin ko na mas magiging masaya ka sa piling ng iba. Pakiusap. Ayaw ko na ulit na masaktan ka.
Written by
Ekzentrique  19/M/Philippines
(19/M/Philippines)   
691
 
Please log in to view and add comments on poems