Kailan ba ako huling nagsulat?
Matagal na ata
Kinain na rin ba ako ng sistema?
O talagang walang salita
Para maihulma ang mga katagang
“Mahal Kita.”

Ilang beses bang Ikaw ang naging paksa?
O sadyang ako na lang hanggang sa huli
Ang gagawa ng panibago?

Pahiram —
Pahiram ako ng salita
Pahiram ako ng MGA salita
Pahiram —
Ayoko na lang manghiram

Pagkat ang pag-ibig
Ay di pwedeng pahiram.