उखैनायजोँ आं गाबो
मेगननि मोदै हुगारै हुगारै
अलसियाखौ फेजेन्नो हायाखै
गसाइ बिनिनो गोरबो नागिरनाय
.
अन्थायनि हाजोखौ
बारलांनो जेरै जुजियो
गोहो नागिरना मोना
बेबादिनो गाबो आं
.
आंखौ आं सिनायनो
बेखौल' नायनो होदो नोङो
जेरै नोँखौ आं नुयो
आंनि गोरबो इसिँआव
.
निदान गोनां जिउआ
नोँखौ जेरैहाय नागिरो
आंनि मोखांआव खुसियै
नोँखौ आं जेब्लाबो जेरै नुयो
.
बेबादिनो नोँनि गोरबोखौ
मोन्थि मोनै जायो आं
सुखु मोना गावखौ सिनायै
नै गिरि नागिरो दिनै
.
सहायनो हायै जायो
मोन्दांङै गोरबोआव
बेखायनो खेँखाय बायो आं
नोँ फैदो बेखायनो सिगांआव
.
खालौ बिलौ गोसोआ
नोँखौ मोननो हास्थायथारो
नोँ आंखौ गोबाफै गसाइ
आंनि गाबनायखौ हमथानानै
.
नोँनि बिथोन फालिनो
आं गोसो जायोब्ला
बेखौनो होदो गिरि आंनो
जेरै नेवसिनो हायो दुगानायखौ
.
नोङो गोसोआव खोख्लैना हो
जेरै आं बावनो हालिया
जिउआ जेराव अनसायो
मोकथां संसारनि रंजानायजोँ।