Arise Great Britain, swell wi pride
this is no time tae split, divide,
a hero needs us on his side
a man apart
Brave Osbourne comes wi manly stride
and lion heart

When danger ca’s, he stauns and fights
He’ll haud the baddies bang tae rights
Nou in their een he sees the whites
and yells, “Attack!”
He’s got oor mojo in his sights –
He wants it back!

Let’s cheer his valour tae the roof
Condemn the wans wha’d cry him couff
And pray oor Geordie’s bulletproof
As on he flies
Then fit him wi a parachute
and wave guidbye.

This GM perfect Tory clone
need not rely on un-manned drone
He’ll tackle ISIS on his own
their fight dissolve
His pores squirt pure testosterone
his eyes, resolve

Just watch the baddies turn and flee
as George, wi patriotic glee
wreaks vengeance for democracy
a one-man dojo
And cries, “Come, Britain, flock to me,
and feel my mojo!”

Or mibbes we should check this twice.
Although the image may be nice
The blood we risk on his advice
may never stop -
But Geordie will not sacrifice
one ****** drop

These profiteering pinstripe ******
wha ken no life but politics
Are no the first tae play these tricks
while deals are made
Why no just wave a crucifix
and shout “Crusade!”

So hooses burn and horror grows
A stream o misery outflows
While braggard Geordie struts and crows,
"Ye want a fight?"
I’d dump him on Damascus road
tae see the light

Ye plot the death o innocents
Tae score yir points in parliament
Yir fascist mocking o dissent
it suits ye well
George Osbourne, ye're a proper gent
**** ye tae hell.