नोङो जारौ समायना फैयोब्ला
नोजोर खुबैहरनानै आं सानो-
मोखांनि अख्रांआव जेन' समायनाया
मिनिसुलु गावदां अखाफोर।
इसेबांदि नायबाय आं गोमोनानै
आलौनाय गैया थाइनै मेगना लाजिनायाव,
आंनि गोसोआ थांगौ
नोँनि बिखानि सेराव
नोँनि मोखांनि सेराव मोखां दैखांना।
नै सना सोरां जिउनि
लामा गियान गोसो मेगननि,
नै लोगो सान्नाय हाबा सोलेरनि
हर बोलोखौ नाजानायाव।
बेवनो बेवनो लोगो आंनि
नोँनि दिन्थिनाय हाबायाव
नोङो मिनिसुलु बिबानखौ होबायब्ला
नै लोगो होदो आंनो हाबाखौबो।
मावनो हानाय गियानजोँ
गोबौ जानाय सानस्रि मेलेमजोँ
नै सना होदो आंनो जाफुंनाय
आंनो मावनो गिदिर हाबाखौ।