Mula sa pamilya ng mga dukha
Binhi nina Santiago at Catalina
Itong bayani na tunay na pangmasa

Dahil sa kahirapan, nagtrabaho ng kung anu-ano
Nagtinda ng mga baston at mga abaniko
Naging ahenteng naglalako at matiising bodegero

‘Di akalaing ang lakas ng mga bisig
Maaaring sandata sa mga manlulupig
Ni Andres na pangalan palang ay kaykisig

Subalit ‘di umasa sa lakas ng katawan
Pinatalas niya ring kusa sariling isipan
Inaral ang siyensiya at sining ng digmaan

Mga kababayan ay tinipon niya
Upang sa mga dayuhan lumusob, makibaka
Anak ng Tondo, Ama ng Katipunan – iyon siya!

--11/30/2014
(Dumarao)
*Bonifacio Day & Start of the Year of the Poor in Philippine Church Calendar

Siyensiya ang magiging pinakatatangi
Sentro ng pananaliksik sa lahat ng barangay
Mga henyo, bagong tuklas, imbensiyon ibubunyi
Sa pagkain, damit, bahay, sasakyan aagapay.

-01/052015
(Dumarao)
*Pinuno Namin sa Panahong Ginto Collection

Matagal nang nagsimula
at patuloy na umiiral
Ang ating matinik na pakikipamuhay
sa ating bayan

Palagiang nasasadlak
sa karalitaan
Ang dugo ng kabataan,
alay sa kasarinlan

Tayong mga bulag,
sa siyensiya at kapalaran
Sa pagmartsa ng kalabang
hindi natatanaw

Naulit ang kasaysayang
may isang kurso at galaw
Bala para kay tatay
ang anak ang namatay

Bumagsak ang ekonomiya
Lumambitin sa aming mga leeg
Iniasa ang pagtaas
sa aming mga bisig

Habang si Alejandrino
dumarami't nagbubuntis
Ang batang henerasyon
Patuloy na nililitis

Kung ganun,
Huwag ninyo kaming pababayaan,
Paglustayan, paghirapan
At pakikinabangan

Sa gayong mga pumalya at matatanda
Ay may aakay
Walang huhugot sa Inang bayan-
Kundi kaniyang kabataan

Yuan – gobierno – kaadlawan ni Juan
Brad Pitt kg Spielberg – mass media – kaadlawan ni Juan
Epimetheus – siyensiya – kaadlawan ni Juan
Islamic Development Bank – ekonomiya – kaadlawan ni Juan
Mga modela – ikaayong lawas – kaadlawan ni Juan
Star Wars 7 – literatura – kaadlawan ni Juan
Iglesia sa San Juan – relihiyon – kaadlawan ni Juan

-12/18/2015
(Dumarao)
*Kaadlawan ni Juan

Ang mundo ay parang laboratoryo
Sinasaliksik, inaaral mga bagay sa mundo
Sari-saring produkto ng siyensiya
Tinutuklas, inieksperimento, nililikha.

-01/12/2015
(Dumarao)
*Ang Mundong Pook Collection