"isagawa" poems
Hindi man naisin
Ikaw ay nasa isip pa rin
Sinubukang limutin
Damdamin para sayo ay di kayang tiisin
Lahat ng lungkot na sa aking puso'y, iyong iniukit
Nakasulat sa papel, sa dingding doon nakadikit
Mga saloobing puno ng hinanakit
Itatago at kikimkimin, isasabay na lamang sa aking pagpikit
Sabi mo "hindi mo ako iiwan"
Tugon ko "ikaw lang magpakailaman"
Subalit ngayon ako'y nangungulila
Hindi malaman kung bakit laging nakatulala
Sinta, ano ba ang aking nagawa?
Hindi ko sukat akalain, na ang pag ibig natin ay biglang mawawala
Sa aking pag-iisa, susubukang isagawa
Ang paglimot sa ating masasayang ala-ala
icm
Sep 24, 2015
Sep 24, 2015 at 10:14 AM UTC
Pagkat isang malaking duwag, hindi umaamin at nagpapaliwanag
May pagkulog at pagkidlat sa isang oras
Di nasabi ang katotohanan
Paano pa kaya ipaglaban
Ang kasalanang pampag-ibig
ay habambuhay dadalhin
Tulad ng lumalagos na liwanag sa salamin
Uyayi para sa puso na maghihimbing
sa kawalan
Dalawang paru-parong itim ay naintindihan - ang namayapang ama at pagsinta
Nang kinabukasan nasilayan pa ang bituin
na nagpuyat sa kadiliman
Ang susunod na silahis ay iba na ang ipapahiwatig
Nagtungo sa bundok ng Maida-as
Nagtawid ng ilog at kaparangan
Nasunog ang talahib na dinaanan
Sa yungib gaganapin ang totoong anyo ng kasalanan
Maging karahasan ay pumipigil sa mga hakbang
Doon nagtapos ang talambuhay - talampag-ibig
Sa kapasyahan na ang dilim ay siyang maghari
Ang pagkukulam ay balak isagawa
Sa kalauna'y di itinuloy
Jan 11, 2019
Jan 11, 2019 at 8:47 PM UTC
Yung mga tropa ko gumagawa ng tula
Samantalang ako, lagi na lang naluluha.
Nahikayat naman ako sa kanilang gawa
Kaya heto ako ngayon, nagtitipa hangga't sa aking kaya.
Kita ko yung saya sa kanila pyesa
Pero bakit ako, pilit maging masaya?
Eh bakit kasi ako nagawa?
Kung hindi ko naman kayang gumawa ng tulang magara?
Gago kasi naman parang tanga
Lagi na lang ganito, wala na bang iba?
Yung mga tropa ko ang galing gumawa ng tula
Ngunit ako, hindi kayang isagawa.
Mar 2, 2020
Mar 2, 2020 at 8:03 AM UTC