Complete Poems and Songs of Robert Burns by Robert Burns

Coming thro’ the rye, poor body,
Coming thro’ the rye,
She draiglet a’ her petticoatie
Coming thro’ the rye.

O, Jenny’s a’ wat, poor body;
Jenny’s seldom dry;
She draiglet a’ her petticoatie
Coming thro’ the rye.

Gin a body meet a body
Coming thro’ the rye,
Gin a body kiss a body—
Need a body cry?

Gin a body meet a body
Coming thro’ the glen,
Gin a body kiss a body—
Need the warld ken?

Please log in to view and add comments on poems