Sumusulak ang aking dugo
Nang ang pag-ibig mo'y maglaho
Ngayo'y hinuhugasan ng dugo
Ang puso kong nabigo

Mapapait na luha ang iyong iniwan
Nang sa iba'y sumama ng tuluyan
Pinagngalit ang aking damdamin
Nang sa kaibigan ng sawimpalad umibig

Ngayo'y itinataboy sa libingan ng karamdaman
Na ikaw mismo ang may kagagawan
Halos magpalikaw-likaw ng daan
Nang ako'y iyo nang iniwan

Kakaibang kislap ng mga mata
Ang sa iyo'y aking nakita
Sumilid sa aking isip
Siya na ba ang laman ng iyong panaginip?