"Walang iwanan, ha?"*
Itinanong mo pa
Ng tayo'y lumisan
Sa munting restawrant.

Wala akong sagot
Kasi, ang pangako't
Hiling ay mahirap
Itupad; isikap.

Lumipas ang buwan at
Magkasama, hangga't
Dumating ang oras
Tayo'y nagpumiglas.

Kahit simpleng tali,
Katapat ay gupit;
Kadenang makapal,
Siya di'y napipigtal.

'Wag magbitaw basta
Ng mga salita
Kung hindi mo kayang
Pangatawanan pa.

pbl/080817