Pagkakamali, pagkakasala,
Ano ba ang gantimpala,
Ito ba ay nararapat?
Ito ba ay sapat?

Ang kasalanan ay kasalanan,
Di na kayang baguhin ninuman,
Bagay na may kapalit,
Di kayang takasan kahit anong pilit.

Sapagkat ito ang mundo,
Batas ng supremo,
Nararapat para sa karapatdapat,
Hatol na kay tapat.

Huwag itanong ba't nagdurusa,
Ganyan talaga yan,
Dahil ang kasalanan,
Meron at merong kabayaran.