आं सिमांखौ नुवाखिसैमोन
एमावनो सिरिमोन्ना दंमोन
फुंनि 6 रिँगा जाबाय
आब'आ आंखौ फोजाफैबाय
दर्जा खोरखि बुयै बुयै
सिखार सोरांबाय होन्नानै
मावथि जोँमा सानजानि आंनि खोरखिजोँ
बेरलाव मेगनजोँ नायहरदोँसै जोँ जोँ
सिखारना गुदुं गस्ला जोमना
दुब्लियाव मोसौखौ खाहैबाय
फैना दैखरआव मोखां सुबाय
फुंनि जानायखौ जाबाय
7:30 रिँगायाव बेसरथिलियाव थांबाय
बेसर फुयै फुयै 11 रिँगायाव फैफिनबाय
12:30 रिँगायाव साननि जानाय
1:45 रिँगायाव बेसर फुनो थांफिनदोँ
आं आय आरो आफाजोँ
3:37 रिँगायाव फैफिनदोँ न'आव
दुगैयै साजायै दान्दिसे बेरायदोँ आं
गोजोनै गोजोनै न'सिम फैफिन्ना
दुब्लियाव मोसौ लायना खाफैदोँ गलियाव
मोनाबिलि मोनाबिलि दिनै सान्तिफुरनि आमायमोन फैदोँ
8 रिँगायाव मोनाबिलिनि जानाय
9:25 रिँगायाव आं उन्दुनो एमाव गोलाङो