1
दाद्रा-दुद्रा अन्थाइफ्रानो
मोसायै मोसायै स्लिम जायोब्ला,
नंखायथार सान्नायनि बोलोजोँनो
गोसोनि मिजिँआ जाफुंबायोब्ला?
2
खिग्राया लाजिया
नुग्रायासो लाजियो,
हाय हाय-
आंलाय मानो गाबफ्रांङासै
मानोथो लायो मिनिबायसै?
3
जेथ' जाबाय गासैबो
जोनोमानो फोरोँबाय मानसि सान्नो,
मेगन मोदै जायालासै
हर- सान थाबायनो हायोमोनब्ला?
4
आदुआनि खियाव थाम्फैयानो
बाया होनो,
सियाननि आगानाव लेवारानो गियोनो,
हाखरानो लेँहरदोँसो नामा
आंखौ गोबानो?
ना -गोदोना सेरथेनो बिफांआसो?
5
अब्लाबो
सानफ्लांबायो सिमां-मोकथां
गोजाननि हाजोआ नायनो समायना
खाफालाव थायोब्ला ना खान्दाया
बालाबारियावनो दावो होन्नायबादि।
6
आरोबाव जेब्ला सिरि मोनो
बुजिबायसै गोनो-गोथो
"दैस्लुंआवबो अख्रां थायो जाम्बा
बुजिगोन गोथौ मोजां सान्ना नायबा"।