आंनि जोनोमा आयनि मिजिँ
नंखाय नङा आयनि मोदैया
फैमाल नङा आयनि दाबिया
बेसेबा दैज्लां- मेसेँ
बेसेबा फागुन- बैसागु
सिमां साजायनाय गिदिर
मिजिँ सुजुनाय गोथार
बहा आंनि रंजानाया?
आयखौ गारनानै-
आयनि मिनिनायाव हाद्रि सारनानै।
फिसा जानानै असे बिमानि
रंजानाय- मिनिनाय थांना थानायनिब्ला
आंनि जोनोमा आयनि मिजिँ
सिमां- मिजिँ जिउनि आबिर
आयनि गासैबो सोरांब्ला
आंनोथ' आयनि नङा होनब्ला साथि?
बेनो जोनोम नङा होनब्ला आंनि?
अब्लानोथ' आं बिजिर मोनो
गुसु मेलेमजोँ हमना मोनो
आंनि जोनोमा आयनिनो जिउ खावसे।