Enero Diez y Siete, Dos mil Kinse
Kahit may bagyo, tumuloy sa Leyte
Unang tinungo lungsod ng Tacloban
Muling nilipad skull cap pagbukas ng pintuan
Talagang maulan at mahangin
Subalit milyong tao sumalubong parin
Kanyang idinaos Banal na Misa
Kasama ang mga biktima ni Yolanda
Huling tinungo ang pook ng Palo
Nananghalian sa tuluyan ng Arsobispo
Doon din nakasalo mga nasalanta ng Yolanda
Mas malapitang nakisalamuha sa kanya
Mga pinaslang ni Yolly puntod binasbasan
Iba pang kaawa-awa hinandugan ng tirahan
Suot ang dilaw na kapote
Biniyayaang material at ispiritwal ang Leyte.

-01/18/2015
(Dumarao)
*Pope Francis Fever Collection

Enero Diez y Seis, Dos mil Kinse
Lulan ng isang simpleng kotse
Unang tinungo Palasyo ng Malacañan
Pinagsabihan mga pulitiko huwag magnakaw sa bayan
Sa pagpasok ng palasyo binasbasan mga bata
Sa paglabas ng palasyo binasbasan matanda
Ikalawang tinungo Manila Cathedral
Pinangunahan pagdaos ng Misang Banal
Sa pagdating, sakay muli ng Pope Mobile
Sa pag-alis, mga umaantabay sa daan ‘di parin papigil
Huling tinungo Mall of Asia
Pinulong mga pamilya sa malaking asembleya
Sa pagsalubong may regalo mula sa may kapansanan
Sa pag-iwan may pailaw mula sa mga nagkakantahan
Ngayong araw kanyang isinulat sa talaan
Panalangin ng pag-unawa, kapayapaan at kaginhawaan.

-01/17/2015
(Dumarao)
*Pope Francis Fever Collection

Enero Kinse, Dos mil Kinse
Sa Villamor umindak daan-daang estudyante
Paglapag ng eroplanong Sri Lankan
Mga sasalubong naghiyawan
Pagbukas ng pintuan ng sasakyang lumilipad
Skull cap ng Santo Papa ay nilipad
Pagpanaog sa hagdan ng eroplano
Sinalubong ng mga sundalo at ng Pangulo
Pinatugtog himno ng ating bansa
Ganundin ang himno ng Vatican sa Roma
Dalawang batang ulila sa kanya sumalubong
Matamis na pagbati sa kanya ibinulong
Sa Pope Mobile na walang panangga sumakay
Ang Supremo ng Simbahan todo ngiti at kaway
Kahit gabi na kayraming tao bawat daanan
Hanggang sa Apostolic Nunciature na pagpapahingahan.

-01/16/2015
(Dumarao)
*Pope Francis Fever Collection

Papa Francisco, oh misericordioso!
Papa Francisco, oh compasivo!
Papa Francisco, se nuestro amparo!

Liberar mi alma y cuerpo condenado!
Liberar mi familia y futuro lastimoso!
Liberar me de venganza de N-M y sus partido!

Con elguia de Espiritu Santo…
Con el clemencia de Hesucristo…
Con el gracia de Dios amoroso…

Liberanos con el poder divino!
Liberanos de esquema maligno!
Liberanos por favor oh escuchano!

Ahora bendicir N-M y sus partido!
Ahora mi nacion eres bienvenido!
Ahora consagrar Filipinas mi amado!

-01/15/2015
(Dumarao)
*Pope Francis Fever Collection

Ang mundo ay parang kampo
Mapaminsalang sandata napapaloob dito
Sinasanay mga magigiting na mandirigma
Sa pag-opensa at pagdepensa.

-01/14/2015
(Dumarao)
*Ang Mundong Pook Collection

Ang mundo ay parang presinto
Tampulan ng mga problema at reklamo
Mga naging salot ng lipunan
Dito humahantong upang maparusahan.

-01/13/2015
(Dumarao)
*Ang Mundong Pook Collection

Ang mundo ay parang laboratoryo
Sinasaliksik, inaaral mga bagay sa mundo
Sari-saring produkto ng siyensiya
Tinutuklas, inieksperimento, nililikha.

-01/12/2015
(Dumarao)
*Ang Mundong Pook Collection