Ang mundo ay parang entablado
Tanghalan ng sari-saring talento
Mga manonood dito napapasaya
Naaaliw at namamangha sa kakayahan ng kapwa.

-01/11/2015
(Dumarao)
*Ang Mundong Pook Collection

Ang mundo ay parang pagamutan
Kanlong nito sari-saring sakit ng lipunan
Mula simpleng aray binibigyang-lunas
Hanggang pagdugtong sa buhay na magwawakas.

-01/10/2015
(Dumarao)
*Ang Mundong Pook Collection

Ang mundo ay parang pamilihan
Lungga ng mga mamumuhunan
Kakikitaan ng sari-saring produkto
Kagustuhan at pangangailangan may kanya-kanyang presyo.

-01/09/2015
(Dumarao)
*Ang Mundong Pook Collection

Ang mundo ay parang palasyo
Opisina ng mga pinuno
Bulwagan ng mga mamamayan
Takbuhan ng mga nangangailangan.

-01/08/2015
(Dumarao)
*Ang Mundong Pook Collection

Sandatahang panggitna mabubuo’t mangingibabaw
Banderang dilaw iaangat at ipakikilala
Mamamagitan sa pula at bughaw
Alagad ng liwanag ang magpapahupa.

-01/07/2015
(Dumarao)
*Pinuno Namin sa Panahong Ginto Collection

Pulisya pararamihin at palalakasin
Kayraming pasaway sisiluhin at kikilabutan
Kapayapaan at kaayusan ay sisiguraduhin
Walang mangangahas maghasik ng kabulastugan.

-01/06/2015
(Dumarao)
*Pinuno Namin sa Panahong Ginto Collection

Siyensiya ang magiging pinakatatangi
Sentro ng pananaliksik sa lahat ng barangay
Mga henyo, bagong tuklas, imbensiyon ibubunyi
Sa pagkain, damit, bahay, sasakyan aagapay.

-01/052015
(Dumarao)
*Pinuno Namin sa Panahong Ginto Collection