Caryl Maluping

Caryl Maluping Jul 2024

mabalik ka pa ba?
sumati la'k dayon
kay bis inin kasing-kasing
waray na ba iiliwon.

🥀

07/08/24

#hagsi #siday #waray

Caryl Maluping Jul 2024

nayakan an repairman, waray man problema
dire man daw liwanan, ngan nadara pa
pero pamati ko, ruba na gud ada
kay waray ka na man tatawag, waray ka na magpakita.

🥀

#siday

07/07/24

#siday

Caryl Maluping Jul 2024

inop

gin huring han hangin
adto'n imo ngaran
kamaupay pamation
naharumhom ha ak' dughan.

🍃

07/07/24

#hagsi #siday #waray

Caryl Maluping Jul 2024

saringsing

nakalit ha dughan
an kahidlaw haim'
daw sugad-sugad hin tanom
namukad, nananaringsing.

🌿

07/06/24

#siday #hagsi #waray

Caryl Maluping Jun 2024

talugpiyong

dinmaop kadali
pagpiyong nak mata
landong ngadan imo hangkop
ha ak pag pukrat nawara.

🥀

#siday #hagsi #waray

Caryl Maluping Jun 2024

kikilat

naharok ha palad
an imo kaanyag
dalikyat adto'n pagpitad
duro ka makaruruyag

⛈️

#siday #hagsi

Caryl Maluping Jun 2024

biyuos

tinmurok ha dughan
putli nga kalipay
pagsipat ha imo bayhon
namumukad hinay-hinay

🌷

#siday #hagsi