Uthando lukaQamata lumi nathi
Uthando lwemiNyanya lumi nathi
Uthando lwakho,lwethu lumi nathi
Saqala singabafundi singazani
Saya, kwaya sazitshomi
Saya, kwaya sazizithandani
Sagqibela sesi ngabazali
Luminathi, yaligama lobukho bakho
Ubukho bakho bafika nemfudumalo
Imfudumalo eyafika yalulutho
Ulutho lokubabalwa luthando ngothando
Uthando luka Qamata luminathi
Uthando lwemiNyanya luminathi
Uthando lwethu, lwakho luminathi
Ngawe ndaphuma ebuntwaneni ndangena ebudaleni
Ngawe yaguquka impilo yam
Ngawe ndabona ikamva liqaqambile
Luminathi, libhongo neqhayiya ubukho bakho
Ibhongo ezizweni
Iqhayiya lam, lwethu ekhayeni

Utat'Oliver Tambo
Noba sele engamathambo
Kodwa siqina ngaye mathambo
Eselula awakhe amathambo
Wazinikezela ukuze siqine amathambo
Wasenza ubhabho lobhabho lwakhe
Wasenza ithambo lethambo lakhe
Waqotywa awakhe amathambo
Ukuze kuqine awethu amathambo
Ingqele isitya awakhe amathambo
Ukuze komelel'awethu amathambo
Amathambo azele intsini
Intsini eyenza imfudumalo
Imfudumalo ekhulisa amathambo
Ukukhula okomeleza amathambo
Akomelela akhangele ubulumko
Ubulumko obufundisa ngothando
Kolothando kuzalwe amatsha amathambo
Ulutsha oluzobe lulahlekile uba alwazi ngoTambo
Ulutsha olabuyiswa ekulahlekeni nguTambo
Iintsapho ezasiwa enkululekweni nguTambo
Ilizwe elakhutshwa emakhamandeleni nguTambo
Ilizwe elabuyiselwa ebutyebini nguTambo
Ilizwe elabuyiselwa ezandleni labanikazi balo nguTambo
Isizwe esabuyiselwa ekukhanyeni nguTambo