Ngelizwi lakhe ndiyonela
Ngoncumo lwakhe ndiyoneliseka
Ukuhleka kwakhe kuyafudumeza
Ubuqu bakhe benza ndifune ukusondela
Ubukho bakhe benza uvalo
Ngalolonke ixesha unexesha lokusabela
NguMonde lowo
Isandla sakhe asikude ukunceda
BubuNtu obo
Igama lakhe yayifanele nguThando
Leyo isentliziyweni
Engqondweni ungamazi ngobulumko
Leyo isebuchotsheni
Ndithetha ngaye, andithethi naye
Ngokuthetha ngaye bubuncwane
Yena uyazazela, uyazingca
Noba uyamazi, ngesidima
Noba awumazi, ngesithozela
Ubuhle bukaMdali
Ubuhle beNdalo
Ubuhle ngaphakathi nangaphandle
Ubuhle njengesibhakabhaka nolwandle
Igamalakhe yayifanele nguNobuhle
Ndisathetha ngaye
Ngoba umntu akanconywa esiva
