Saudatu yan mata
Ki yi mini tatata
Sai ki zamo mata ta
A guri na ke ce yar gata

Na fara da ke cikin raina
Ni ban san ki ba a ko ina
Gashi na fada a labari na
Saudatu yan mata ce, burina

Nayi gamo da so, boyayye
Har a cikin raina, ya baibaye
A cikin zuciya ya kanainaye
Ya cike gurbin can da na boye

Nayi nutso cikin tafkin Soyayya
Na rasa kaina cikin kokon zuciya
Dama zaki bani yarda a samaniya
Da na zama sarki ke ko sarauniya

Saudatu yan mata
Karbi bukata ta
Ki mini tatata
Ki zamo mata ta

Kallo ya koma can sama
Kowa ya gaza kaiwa sama
Iska a wajen tayi sama
Yaro da kudi yaje sama
Kato ba kudi ya bar sama
Kyawun yan mata ne sama
Saurayi da kudi shine sama
Kai wannan karni ya hau sama
Wai kowa a kasa sai yaje sama
**** ko na saman zai can sama
Burin talakawa su hau sama
Mai kudi haka zai kara sama
Sojan baka zai so yayi sama
Dan siyasar banga, **** ma sama
Yan siyasa, kowa  muje sama
Masu mulki burin su suje sama
Sun manta Allah ne yayi sama
Da abin da yake sama can sama
Ya mallaki komai a cikin sama
Har ikon da yake kasa da sama
In yace komai yayi sama zai sama
In yace kowa yayi sama zai sama
A cikin ikon sa da ke sama

(ALHAJI (DR.) AMINU ADO BAYERO)
Kakkaki
Bidigar Sarki

Jama'ar birni ku fito...
Makasau Dan Bakan Dabo Ya fito.

Makasau Sarkin Kano Ya fito
Dan Bakan Dabo, Sarki ya fito
Aminu Ado, sai da kayi ya fito
Saki a kano mai tumbe ya fito

Jikan Dabo me ado dan bakan Dabo
Makasau sarkin kano mai adon Dabo
Me kyautar nera da anini da da kwabo
A tarihi nasa an duba kaf babu tabo
Ya mike ya tafi al'uma suna ta Odabo

Tgwayen sarkin Bichi da kano
Fata nasa kowa ya ci a kwano
Talawansa su mori dandano
Na mulki nasa a ***** da Kano
Tare da **** a kyakkyawan kwano

Jikan Bayero sam baka da raini
A cikin dami da sanyi ko ko a rani
Jama'a na kaunar ka fanni fanni
Saboda kautar nera da anini
Da jin kai ga talakawan ka a birni

Kirkin ka ya zagawa birni da kauye
Ta ko ina alherin ka ya mamaye
Gwani, Idan kayi alheri baka waiwaye
Saboda a cikin alheri kake a zagaye
Hm! makiyan ka kullum za su karairaye

Mai hakuri dan mai hakuri, Makasau
Ka jure hawan Sallah har zuwa fanisau
Akan ingarman dikin ka kamar kosau
Wanda babu irin sa ko an je misau

Muhammadu Aminu dan Ado Bayero
Garnakaki namiji a kyuatar ka ba zero
Tsabar ilimin ka turawan sun baka biro
Cacnselo a calaba ka wuce a ce Pro
Sharrin makiyan k ba ya zuwa ko sun huro

dan Bakan Dabo jikan dabo me jalla
In ka fito, kwalliyar ka kowa sai ya kalla
ana rububin alaka da kai sai an kulla
Amma su wancanan ka sai anyi talla
Kai! a kano kai kadai ne sarki zalla

Kai ka yi kama da Bakan Dabo Ado
Mai martaba marigayi sarkin ado
Tabbas wannan haka yake kayo gado
Tun da ka dare karagar mulkin ka na gado
hakika makiyan ka ko sun bi sai sun gudo

Ina me ja ya zo ga me tsinkawa
Wani ya taba ja mun kai **** takalmawa
sai da yayi tattaki ya bi ta wudilawa
Ya rtsa gonaki yabi ketaren farawa
gashi ta maimaita carki ya tafi ba dwowa

Makasau ginshiki ne ga kano da kanawa
makasau dirka ne ga kano ba karyewa
Makasau Uba ne ga kano ba sauyawa
Makasau ka gaji bakan dabo babu adawa
Makasau ne sarki daya a kani anyi yabawa

Ka mike an ce karkata
Kai!  taka an ce tatata
Yaushe ne rana za ta?
Gani na abokin ta wata
Ba rana, sati har wata
Tun da na hango yar wata
Mata daga gefe na kai mata
Hari dan na nuna bajinta ta
Ai ko sai tayi mini raf ta ta
Ta rike hannu na me kanta
Sai ta ja ni cikin dangi na ta
Tai ta nuni ga dangi nan na ta
Baba yayi murna babu karkata
Umma ta taka yar rawa ta ta
Don murna har da kawa ta ta
Maganar  aure ce na yi mata
Tun da fari ta dauke kai nata
Ta bi son rai da kawaye nata
Mai kudi shine a gaba nata
Na manta har da batu na ta
Rana daya sai ga kira na ta

Gaisuwa ta Mahaifi na tayi
Ra'ayi, sauyawa ta sa na yi
Tausayi shine da yasa nayi
Kan batun labarin da tayi
Zuciya ta raurawa nan tayi
Tausayawa zuciya ta nan tayi
Na amshi batun ta kuma za'ayi
Takure kai na duka ni nayi
Do na nuna bajinta da ra'ayi
Na kudurce aure ne zamu yi
Yan uwa murna duka sun tayi
Fatan alheri an ta yi
Na ganin auren mu da za'ayi
Gashi nan dai auren an yi
Tun da fari fa zaki ne yayi
Dandanon madara duka yayi
Har Zuma da madi duka yayi
Daga baya ta sauya ra'ayi

Na shiga uku na kara uku
Bana son na shige can kurkuku
In na kara shiga uku sau uku

Kukan kucciya ya bi ciyawa
Gero, maiwa sun fi su dawa
Matan yanzu sun fiya kawa
Mai ilmi sam bai da adawa
Danben mata ya fi ga kokawa
Daci, yaji kai har da su kanwa
Zaka gani mata sun rarrawa
In suka lasa sai kaga yar rawa
Mata, manya mata ne da alewa
Zaki ne a cikin su yafi alewa
Waye  zaya ki lasa sai wawa
Na hada Sarki kai har fadawa
Siriri, Kato har dan kokawa
Na fada na kuma maimaitawa