minsa’y hindi magtutugma
mauuna ang kanan
mahuhuli ang kaliwa

pipiliting sumabay sa indak ng iyong katawan
umaasang hindi mo ako iiwan

sa dulo tayo ay magsasabay
sa pagpitik ng daliri
hanggang sa pagtaas ng kamay

matatapos ang araw na tayo’y magkasama
ang langit at kahel, tila nagbabaga

pinagmamasdan ang pagsikat ng buwan
sa iyong mga mata
nananatili ang katotohanang tahanan ka.

letting go
of familiar places

open roads
that were once mazes

we're on both sides
of the bench

does this sidewalk go on
or does it end?

munting salamin sa ‘yong mga mata
sarili ko’y nakikita
salitan sa paghinga
puso mo’y kinikilala

babagsak ang mga luha
isa isa’t dahan-dahan
malayang magtatampisaw
tuwing sasapit ang ulan

panahon ang kalaban
sa bawat kinabukasan
hindi mag-aalinlangan
hindi rin magkukulang

tahimik ang gabi
puso minsa’y humihikbi
sa pagtulog ikaw ang dalangin
nag-iisang hiling sa mga bituin

ikaw ang tanging dahilan
kahapon, ngayon at kailan man
pangarap kong tahanan
ikaw at ako sa iisang larawan

maglalayag sa hiwaga ng hiraya
simula sa sulok ng maharlika
hanggang sa dulo ng maginhawa
alapaap na bang maituturing itong kalsada?

humahawak, bumibitaw
magpupumiglas ngunit hindi aayaw
sanga’t daho’y sumasayaw
pusong puno’y sumisigaw

sigurado sa bawat yapak ng paa
ligaya sa kislap ng mga mata
bawat ngiti sa iyong pagtawa
langit ang makasama ka

babalik
tayong muli
sa maginhawa

there's
a whole world
in your tears

a garden
of withering flowers

a wave
of emotions

and a sepia-toned sunset.

animo'y bulak ang pagdampi
'sing lambot ng kumot sa gabi
sa likod ng mga labi'y nagkukubli
magkasingkahulugan na ba ang iyong luha at ngiti?

nalilito ang aking mga mata
bakit nananatiling blangko ang mga pahina?
hindi ba't ang bawat pagtatapos
ay panibago ring simula?