#pagmamahal
Umasa ako, naghintay sa alam kong hindi na babalik,
'Yung mainit na pagbabalik kagaya ng iyong mga halik.
Lumipas pa ang panahon na kahit tawagin na lang na muntik,
Ngunit hindi, ika'y hindi na bumalik.
Sana man lang ay nag paalam at pinaalam,
Nang sagayon ang paglisan ay nadamdam.
Hindi ko naman minadali, hindi ko naman pinilit,
Kaso lumisan ka ng unti-unti, at sadyang pinunit ang puso kong galit.
Pinilit kong tanggapin,
Ang sakit na aking kinikimkim.
Nagsulat na para lang ba sa hangin,
Sa sobrang balewala'y, ito'y lumubog na sa buhangin.
Parang bang habang buhay akong naghintay,
Sa mga salita **** wala namang saysay.
Naiwan na lang akong tulala,
Habang ika'y nawawala.
Tuluyang bang ika'y ipagpapalaya?
O wag na lang kaya?
Hiniling ko, mununi ko,
Ngunit hindi pa pala sapat—kaya sumuko na ako.
Apr 20
Apr 20, 2026 at 11:38 AM UTC
Sa bawat iniisip kita tuwing hatinggabi,
Binibilang ang mga dahilan kung bakit nandito pa rin ako—naghihintay.
Kahit sa panaginip na lang tayo nagtatagpo,
Sana’y muling masilayan, kahit sa isang saglit na totoo.
Hindi ko hinangad ang ganda—babaw lang iyon sa paningin.
Hindi ko hinanap ang bait—karaniwan na lang iyon kung iisipin.
Hindi ko kailangan ang yaman; wala itong halaga sa akin.
Narito pa rin ako dahil sa iyo, at sa iyong mga turo.
Tinuruan mo akong magmahal nang tunay.
Na ayos lang ang hindi maging maayos sa gitna ng lumbay,
At may lakas sa pag-amin ng pusong marunong lumuha.
Ngunit sa gitna ng hindi pagkakaunawaan, puso mo’y aking nasira.
Ngayon, sa katahimikan ng malalim na gabi,
Maaari pa bang balikan ang kahapong nagdaan?
Mahanap ko kaya ang lakas na alagaan ka nang tama,
Kahit abutin pa ng maraming taon ang paghihintay,
Maaari bang ang pag-ibig ay maging walang hanggan?
Sa halip na ang takot na naging sanhi ng iyong pagkawala?
Feb 22
Feb 22, 2026 at 6:57 AM UTC
May pangalan sa hangin na tila humahaplos,
Pangalan na gusto kong limutin tuwing sasapit ang hapon.
Sa bawat patak ng ulan,
Isang alaala ang siyang unti-unting nalilimutan.
Limot, sa mga sandaling ika'y nakasama,
Ay siyang unti-unting nalulumot.
Pero ang mga nalulumot na ito ay ayokong pakawalan,
Kaso nasasaktan ako, dahil ikaw mismo ang lumilisan.
Napakahirap na limutin ka,
Maalala ka lang, mata ko ay nagluluha.
Ako'y hinihila ng sakit,
Dahil bakit parang napakadali sa'yo na ito'y lagpasin?
Bakit hanggang ngayon nakabaon pa rin ang iyong magandang mukha?
Sa tuwing sisikat ang araw,
Ito'y nakapagpapakumbaba.
Kahit man ang oras ay magbago,
Ang pagmamahal ko sayo'y hindi maglalaho.
Na kahit man ika'y lumimot
Ang puso ko ay sayo lang titibok.
Aug 30, 2024
Aug 30, 2024 at 10:52 AM UTC
kung sa dulo'y gusto lang naman ang sumaya,
hindi nalang sana nag-aksaya pa
ng oras kung hindi naman kayang tanggapin ang sakit na na-idulot
at 'di mo rin karapat-dapat ang mahalin
dahil ikaw mismo ay ang taong mapili,
ngunit sa katunayan, hindi naman pinili.
Aug 4, 2024
Aug 4, 2024 at 12:42 PM UTC
mahal, kailan ka huling ngumiti?
ngiting tunay at hindi pinilit,
mahal, kailan ka huling tumawa?
tawang kay lakas at nakakahawa.
mahal, alam kong mabigat na naman
mabigat muli ang iyong nararamdaman,
sa araw-araw hinihiling **** sana'y gumaan
hindi mo alam kung gaano mo pa katagal makakayanan.
mahal, narito ako sasamahan kita,
'wag nang matakot pa, hindi ka na nag-iisa
ako'y magsisilbi **** pahinga,
ako ang s'yang magiging tahanan,
kaya mahal, tumahan na.
Oct 3, 2021
Oct 3, 2021 at 8:33 AM UTC
Pagtulog na lang ang pahinga
Pag gising, ikaw ang laman ng isip, ngunit
Pagkapikit ng mga mata
Pag-ibig mo pa rin ang hanap sa panaginip.
Sa gabi'y isang bangungot;
Sa araw'y malabong imahinasyon
Samantalang ang pinakamasalimuot—
Sabik akong magkatotoo lahat ng 'yon.
Mar 21, 2021
Mar 21, 2021 at 2:48 PM UTC
;;
ikaw ang paburitong kanta na inaabangan ko palaging tumugtog sa radyo.
ikaw ang larong pipiliin kong maging taya ulit.
ikaw ang pelikulang uumpisahan kong muli,
kahit na lumuha pa.
ikaw pait na nais kong malasan pa rin.
ikaw ang sakit na hahayaan kong madama ulit,
at ikaw rin ang pag-ibig na patuloy sa akin na ipinagkakait.
Jan 14, 2021
Jan 14, 2021 at 5:27 PM UTC
Hindi kailan man umiba ang pintig ng puso,
Pusong ikinabit sa mga emosyon,
Emosyon na hindi malaman kung bakit nagsimula,
Nagsimula at bumuhay sa magugulong pangarap,
Pangarap na magmamahal ngunit hindi kayang isuko,
Isuko ang puso para sa iba.
Iba, iyan sila. At iba ka rin sakanila,
Sakanila na nagsasabing darating din ang araw na magmamahal,
Magmamahal ng buong puso at kaluluwa,
Kaluluwang hindi sigurado kung totoo nga ba,
Totoo nga bang may kahati ka,
May kahati ka, at ako nga ba?
Ngunit lumipas ang panahon,
Panahon na nasayang sa paghahanap sa tutugon,
Tutugon sa kaisipang itinatak nila sa isipan,
Sa isipan kong naguguluhan.
Ngunit aking napagtanto,
Napagtanto na hindi lahat iibig sa alam nilang paraan,
Paraan kung saan ang dalawa o higit pang tao ay pupunan ang kakulangan,
Kakulangan na sabi nila'y mabubuo lamang,
Mabubuo lamang kapag nagtagpo ang mga pusong natutong magmahalan.
Ngunit paano nga ba magmahal?
Magmahal ng isinusuko ang lahat,
Lahat na gagawin ko rin sa aking mga kaibigan,
Mga kaibigang handang pakinggan,
Pakinggan tulad ng pakikinig sa boses mo,
Sa boses mo na tila tumugon sa boses ko,
Sa boses ko na bigla nalang din natigilan.
Ngunit hindi ito para sa'yo,
Sa'yo kung saan may nagpatigil ng tinig ko,
Tinig ko na nagtatanong nanaman,
Nagtatanong nanaman kung bakit tila may mali sa sariling pagkakakilanlan,
Pagkakakilanlan sa puso at sa pagmamahal nitong alam.
Isang araw gumising nalang,
Gumising nalang at napagalaman,
Napagalaman na maraming paraan ng pagmamahal,
Pagmamahal na posible minsan,
Minsan... o siguro nga'y kadalasan,
Kadalasan ay iba ang pagkaunawa,
Pagkaunawa sa pag-ibig na pilit nilang itinatatak sa isipan.
Aug 30, 2020
Aug 30, 2020 at 5:05 AM UTC
Bakit ganyan kayo?
Madali ba talagang palitan ang isang katulad ko?
Kapag sawa na,
Hahanap ng iba.
Hindi man lang magsabi kung anong problema.
Pwede naman nating ayusin to,
Pero sadyang nakakalito,
Minahal nyo ba talaga ako?
O pampalipas oras lang ako?
Ang dali nyong magbago,
Magbago ng paglalaruan nyong tao.
Nagmumukha akong basura,
Iniiwan nyong umaasa.
Bakit pa nga ba ko umaasa?
Binuhay lang ba ko para magpakatanga?
Pagmamahal ko inyong binabalewala,
Paano kung bigla nalang akong mawala?
Ayon naman ata gusto nyo,
Mawala ang isang basurang kagaya ko.
Aug 2, 2020
Aug 2, 2020 at 3:12 AM UTC
Pinagmamasdan kita sa malayo habang ang iyong buhok ay hinahangin
Para bang may kumurot saking puso at bigla nalang naging magulo ang damdamin
Pakiramda'y di ko mawari kung ako ba'y masaya o malungkot
Galit sa mundo at damdamin ay puno ng poot
Alaala ng kahapo'y sadyang mapanakit at sa puso'y nanunuot
Nais ko na sumigaw at tumakbo palapit
Nag ayos ng sarili at nag subok lumapit
Saya at lungkot ng kahapo'y saakin ay nakakapit
Habang tumatagal damdami'y lalong pumapait
Puso ay tila wasak parin
Pagkat sugat ay sariwa parin
Sa aking paglapit
Sa dibdib ay bigla nalang may gumuhit
Yayakapin ka na sana
Ngunit wala ka na nga pala
Aking napagtanto
Alaala na lamang pala ito
Jun 19, 2020
Jun 19, 2020 at 2:24 PM UTC
Sino dito ang naniniwala sa pag-ibig?
Sino dito ang hindi na naniniwala sa pag-ibig?
Sino naman dito ang hindi pa alam kung ano ang kahulugan ng pag-ibig?
Sino naman dito ang may alam ngunit hindi pa handa para sa pag-ibig?; alamin na natin
Hindi ito matatawag na pag-ibig kung ika'y inilalagay,
Sa pagsuway.
Hindi ito ang tamang pagmamahalan
'Pagkat ito ay makasariling desisyon at makasalanan.
Ang tunay na pag-ibig ay hindi lamang sa umpisa matamis
Ang tunay na pag-ibig ay nakapagtitiis
Ang tunay na pag-ibig ay nagsasakripisyo
Ang tunay na pag-ibig ay tumutupad ng pangako.
Ngayon kaibigan
Maaari mo na bang sagutan
Ang aking katanungan
Ang talata sa unahan
Apr 18, 2020
Apr 18, 2020 at 10:07 AM UTC
Isang babae ang kilala ko,
Napapagod pero hindi sumusuko.
Mga problema na nasa kaniyang puso
Matatag, matapang hanggang dulo.
Bawat araw niya ay hindi madali,
Kaya’t andito ako palagi.
Mga ala - ala kung saan sinulat ko ang
“Simula’t hanggat sa huli”
Na ang lahat ng ito ay simula pa lamang,
At ang pag - ibig ko sayo ay walang hahadlang.
Feb 27, 2020
Feb 27, 2020 at 8:38 AM UTC
Sa bawat iyak sa sulok
Sa bawat tulo ng aking mga luha.
Ikaw ang nag - bigay ng lakas at saya sa aking buhay.
Mga bawat ala - ala na hindi maganda
Tinanggal mo gamit ang biyaya.
Sa bawat takot na mawala ka
Alam kong andito ka.
Andito sa tabi ko hanggang magpa kailan man.
Mga oras kung saan hinahanap hanap kita
Ika’y natagpuan sa loob ng aking puso
Tinitibok ang iyong pangalan.
Feb 17, 2020
Feb 17, 2020 at 8:51 AM UTC
Di pipigilan
ang puso
na tumangis
Ang luha
sa pagpatak
nang dahan-dahan
Ilalakad pa rin
ang mga nanginging na paa
kahit masakit
Imumulat ang mga mata
habang lumuluha
at tinitingnan ka papalayo
Bubuksan ang kamay
lalo na't hindi
na hawak ang iyong palad
Hahagkan ang hangin
sa pagbabakasakaling
ika'y babalik
Titingnan ka na lang
sa malayo
at ngingiti
Sa pagkakataong iyon
alam kong ika'y
masaya sa kanyang piling
Hindi na pipilitin
at alam kong
ika'y di para sakin
At lalaging sasabihin
na kung hindi lang din ikaw
ay huwag na lang
Sa muling pagtatagpo
sa huling pagkikita
sa huling hininga
ikaw...
Feb 14, 2020
Feb 14, 2020 at 7:45 AM UTC
Di alam ang bawat sasabihin
Pero alam ang nararamdaman,
Mga bawat linya ng sulat
Ako ay basta basta namumulat,
Namumulat sa katotohonan
Hinding hindi kita bibitawan,
Hawak ang iyong mga kamay
Naka tingin sa iyong mga mata
At sasabihin,
Mahal kita.
Feb 8, 2020
Feb 8, 2020 at 12:46 PM UTC
Wala akong pera pang-cab
Kaya mas prefer ko mag-jeepney
Ikaw ang hihilingin
Kung sakaling makatagpo ng genie
Lagi kang nasa ulo ko
Parang paborito ko'ng suoting beanie
Mahal kita Sheki
Kahit na size mo ay mini
Sep 11, 2019
Sep 11, 2019 at 9:53 PM UTC
Kamusta ka,
Naaalala mo pa ba ako
O naaalala mo pa ba ang pagmahal ko
Aking L_
Ang iyong damdamin ay saakin pa ba
O Nasa iba na
Aking L_
Patawad dahil hindi ko talaga kaya
na mawala ka sa aking buhay
Aking L_
sana nahanap muna ang
iyong kasayahan
Aking L_
Kahit hindi man lang ako ang magpapasaya sa iyo
Minahal kita ng buong puso ko
Jul 4, 2019
Jul 4, 2019 at 1:15 PM UTC
Dumudugo—
Sobrang kirot,
Kamay ko'y nasasaktan,
Mahigpit ko pa ring hawak;
Dumudugo—
Sobrang sakit,
Palad ko'y naramdaman,
Tinik sa katawan ng rosas;
Dumudugo—
Sobrang hapdi,
Kamay ko'y patuloy na kumapit,
Ani mo, baka kaya pa
Kaya sa iyo ay patuloy na umaasa.
Jun 21, 2019
Jun 21, 2019 at 2:13 AM UTC
Tila ako'y pinaglaruan ng tadhana
Nalulunod sa mga baka sakali
Bungad nito'y panandaliang tuwa sa una
At pangmatagalang pait at sakit sa huli
Unang yakap at halik mula sa kabiyak
Nagdulot ng pagluha dahil ang tayo'y malabo maging tiyak
Handa akong masaktan at bitawan ka
Mamahalin kita habang may oras pa
May 17, 2019
May 17, 2019 at 8:41 AM UTC
minsan ko pang ibinulong sa hangin,
na sana'y tayo nalang dalawa.
ngunit masakit mang aminin,
tayo'y hindi makabubuti sa isa't isa.
May 9, 2019
May 9, 2019 at 10:09 AM UTC
do not expect me
to pay you back
a garden of sunflowers,
if you haven't
given me
a single seed
even just for once.
Apr 1, 2019
Apr 1, 2019 at 11:14 AM UTC
some poetries
are not yet
conveyed into words;
they're still
felt by the heart,
and the mind
is still fathoming
those sentiments,
before finally
converting them
into words.
Mar 22, 2019
Mar 22, 2019 at 11:44 AM UTC
Minsan ako'y nanalangin,
diwa ko'y nag-aalanganin.
Di alam ang uunahin,
di alam ang sasambitin.
Gusto sanang alamin
ano bang plano sa akin?
Sana naman ako'y dinggin
at wag nang pagisipin.
Ang hirap kasing baybayin,
lalo na kung hihimayin.
Puso ko'y tila nakalambitin,
nakalutang sa hangin.
Pilit kong aalalahanin
mga bilin mo sa akin.
Mabigat man ang damdamin,
alam kong andyan ka para ako'y yapusin.
Feb 10, 2019
Feb 10, 2019 at 4:14 AM UTC
sa tunog ng tambol,
iyong hinawakan ang aking nanginginig na mga kamay
at sa gayo'y mapawi
ang damdaming puspos sa dalamhati
ang bawat pagtibok
aba'y mistulang pulso dala ng aking puso
kasing lakas ng pagkulog ng mga ulap
kasing tulin ng paruparong lumilibot sa hangin.
Feb 16, 2019
Feb 16, 2019 at 9:45 PM UTC