#pagibig
Likas sa atin
ang ingatan
ang ating
bagong sapatos
agad nating
binabalik
sa lagayan
pagkatapos gamitin
nilalabhan
buwan-buwan
para
hindi bumaho
pinupunusan
kada-gamit
upang
hindi marumihan
parang sanggol
kung tratuhin
kulang nalang
helehin
Ngunit
likas din sa atin
ang mapagod
ang maubos
ang magsawa
ang manghinawa
at mayamot
sa paulit-ulit na siklo
sa katagalan
ay ating nalilimutan,
gawaing dati'y minahal
ngayo'y isa nang sagabal
Kaya't sana
wag ihalintulad
ang pag-ibig
sa bagong sapatos
'pagkat ang sapatos
ay minamahal
lamang
dahil sa ito'y bago.
Apr 26
Apr 26, 2026 at 8:37 AM UTC
Lagi tayong nagiwasan, kahit batid nating tayo’y magkalayo.
Sinubukan nating limutin ang ating pinagmulan at ang lahat ng ating pinagsamahan.
Ngunit hindi yata maaari; tila itinadhana ang ating pag-iwas.
Nagtagpo tayo, bagaman pasulyap-sulyap lang.
Lagi naman tayong nag-uusap, pero laging bitin.
Magkaibigan lang tayo, hindi ba?
Bakit tila may pag-aalinlangan sa pagitan nating dalawa?
Hindi ko maalis sa aking balintataw noong ako’y iyong tinitigan
Kung gaano mo ako namimiss kahit wala tayong pinag-uusapan,
Kung gaano mo ako namimiss kahit hindi tayo nagkikita.
Ngunit sa pag-alis ko, bigla mo akong niyakap.
Bakit bumibilis ang tibok ng puso ko sa tuwing nakikita kita?
Bakit hindi tayo komportable at bakit hindi tayo mapakali sa isa’t isa?
Dahil lang ba ito sa mga alaala? Dahil sa yakap? O dahil sa malalalim nating pag-uusap?
Alam kong hindi lang ako ang nakakaramdam nito, pero sana magkaiba tayo ng nararamdaman.
Sapagkat kung tayo’y magkatulad, bakit hindi mo ako nilapitan?
Feb 24
Feb 24, 2026 at 4:37 PM UTC
Nakahawak na ba kayo
ng lapis at pambura
at papel na gamit
Dahil wala nang ibang makita
Kukunin ang gitara
at manghuhula ng melodiya
sa isinulat na mukha
na tanging naaalala
pantasyaaaa
gusto kang... makilalaa
oh pantasyaaa
ako kaya'y naaalala
Pinipilit na maging makata
para tuluyang madama
ang sinusulat na kanta
para
sa dalagang di naman kilala
umiisip ng matatalinghagang
salita
na maaaring idagdag
sa talatang isinusulat
para sa dalagang
ilang beses lang nakita
kung saan
na hindi kailan man nilapitan
para tanungin ang kanyang pangalan
- ousson
Jan 19
Jan 19, 2026 at 1:52 PM UTC
slow burn ba 'to, o ilusyong ginawa ko?
antagal na...
antagal na nating alam ang pangalan ng isa't isa
pero hindi sapat para sabihing kilala na kita
kung sino ka ba talaga
Ilang taon na rin ang bilang
kung saan nadagdag ako sa tauhan ng buhay mo
at nadagdag ka sa storya ko
sa kalagitnaan nito, nag-usap tayo
doon naramdaman ko na may apoy na nabuo
sa halos araw-araw
na palitan ng mensahe natin
pero pinigilan ako ng nakaraan ko
na mariin pang nakakapit sa akin noon
hindi ko pinilit ang kapit
at hinayaan muna ang apoy
dahil hinihintay ko ang panahon
na kusang pipiglas ito
nang walang masasaktan sa ating dalawa
Pero kumain ito ng oras
araw, buwan, at taon
lagi ko sinisilip ang liyab nito
simula nung naging madalang ulit
ang pag-uusap nating dalawa
at ngayon, tuluyang binabalikan ito
naghihintay at naghahanap ng paraan
kung saan mapapasiklab ito muli nang malakas
kaso, totoo ba 'to
o gawa-gawa lang ng utak ko
baka matagal na talagang namatay ang kutitap
na natira sa mahabang panahon
at sayo'y matagal na ring
madilim at malamig ang sinindihang apoy
Kaya pa kaya kung magsisibak ako ng kahoy
Ipapakain sa napupunding init
Upang maging malinaw at maliwanag
Ako at ikaw
Sana makita mo ako sa liwanag na dala nito
sa sabik kong makita kita
at makilala ang tunay na ikaw
Hindi lang sa kamangha manghang anyo mo
pero sa pakiramdam na pwede kong ialay sayo
at mga pwede **** iaalay sakin
Kung paano nga ba nabuo
at kung paano pa liliyab ito
Kung ilusyon 'to,
paano ko ba ito gagawing totoo?
-ousson
Jan 19
Jan 19, 2026 at 1:31 PM UTC
Sa tuwing sasapit ang hatinggabi,
Iniisip ka na lang palagi,
Kumusta ka na kaya, aking sinta?
Sana ang mga araw mo'y masaya
ayokong nasisilayan ka,
Bitbit ang pighating nadarama,
Nawawalan ng kislap ang iyong mga mata,
Sinanay mo ako na ika'y palaging maligaya,
Na para bang wala kang problema,
Hindi ako sanay na hindi ka masaya.
Sa tuwing magtatama ang ating mga paningin,
Binibigyan mo ng liwanag at kinang ang aking mga bituwin,
Hindi ako naniniwala sa diyos ngunit ikaw ang aking dalangin,
Sana balang araw ay matatawag kitang akin,
Hinihintay ko ang pagkakataong akin iyong damhin.
Ilang taon na rin ang lumipas nang ako'y mabighani sa'yo,
Nagugulat ang iba kapag sinasabi kong gusto kita, mahal ko.
Pilit nilang tinatanong kung ano raw ang nakita ko sa'yo,
Guwapo ka, may dimples, matangkad, matalino, mabait, at matipuno.
Bakit hindi sila naniniwala sa mga deskripsyong ito?
Isa na namang piyesa ang aking nabuo na ikaw ang paksa,
Nang dahil sa'yo, nagkakaroon ako ng kumpyansa na gumawa,
Hindi man ito perpekto sa ibang mambabasa,
Wala naman akong pakialam basta ako'y maligaya,
Ngiti ko nga ay umaabot na hanggang sa aking tainga.
Maniniwala ka ba sa mga isinulat ko rito?
Ikaw lang talaga ang tinitibok ng aking puso.
Sa tuwing iniisip ka, kumakalma ang pakiramdam ko,
Para kang nagsisilbing liwanag na kailangan ko,
Ikaw ang magiging tahanan at pahinga ko.
Lingid naman sa aking kaalaman na hindi mo ako magugustuhan,
Isa lamang akong hamak na bakla na hindi mo mapupusuan,
Tanging tunay na babae lamang ang bubuo sa iyong katauhan,
Ngunit umaasa pa rin ako na magbabago ang ihip ng hangin sa kasalukuyan,
Kahit masyado itong komplikado, labis ko pa rin itong hihilingin sa buong kalawakan.
May 4, 2025
May 4, 2025 at 3:24 AM UTC
When I wake up in the morning I suddenly remember you,
I don't know how long I have to think about you and come back to you.
I thought I was done.
I thought I had forgotten my feelings for you.
No matter where I go,
I remember you,
Because there is something hidden in my heart,
You are there in history and have been revealed in my personality
The secret of my love for you,
That has been hidden for a long time and years in my heart and I need to forget.
You are still the one I want,
You are still the one I like,
You are still the one I love.
I don't know if you love me.
Because I feel this in you.
Do you love me?
You make me feel special to you.
Every time I see you I can't explain the feeling.
Even though I want you,
even though I want to be with you and let you love me,
But I have to avoid you.
I have to stay away from you.
You are the person I want to be with and stay in my life.
But I can't turn back time to the way it was when we were just the two of us.
The days and times I was with you are over.
A long time and years have passed without you being with me.
You have someone else and are loved.
It's too late to plead and bring everything back
With the cheap thought that I need someone like you by my side.
Will all the shortcomings in my heart be filled if we had only been together then until now.
The love that should have been mine and that I should have received because of you.
Will all the wounds in my heart heal by your side.
The love that cannot be removed from my heart.
Because you are a part of my heart forever.
I am not just a childhood friend and family member,
You are the root of my heart and my blood that you are always in my heart.
Whatever my feelings and emotions were for you before, that's all.
I never wanted to be consumed by the love that you wanted to give and that I wanted to possess.
I could forget how I looked at you for the rest of my life.
This hidden in the past, I abandoned.
Even though my past heart haunts me again and again, but the love that I want to have is only there.
Nothing else.
I want you to be happy.
I'm happy that you love someone else.
I'm thirsty for love but
I don't want to be hurt and force my heart to steal a moment to be happy with you, but tomorrow I'll only be hurt because I'll still be left alone and you're no longer with me.
Yes, I should come back to you but I can't.
Please don't remind me anymore.
Everything is gone, it's different now.
Let's put all the past to rest.
Let my heart rest in love.
I know you still love me but you can't take it anymore.
I still love you but not like before.
I love you even though there's something wrong with my feelings,
even though it hurts to hurt you
but I put it in the right place
because I love you,
because you love me that's what I reciprocated.
I chose the right love, not the forbidden love.
***********************
"𝔹𝕒𝕨𝕒𝕝 ℕ𝕒 ℙ𝕒𝕘𝕚𝕓𝕚𝕘"
Pag gising ko sa umaga bigla kitang naalala,
Hindi ko alam kung hanggang kailan kita kailangan isipin at balikan.
Akala ko natapos ko na.
Akala ko nakalimutan ko na ang feelings ko sayo.
Kahit saan ako mag ***** naalala kita,
Dahil may nakatago sa puso ko,
Naroroon ka sa history at nabungkal sa pagkatao
Ang lihim ng pagibig ko sayo,
Na natago ng mahabang panahon at taon sa puso ko at kailangan ko ng kalimutan.
Ikaw parin ang nais ko,
Ikaw parin ang gusto ko,
Ikaw parin ang mahal ko.
Hindi ko alam kung mahal mo ako.
Dahil nararamdaman ko sayo ito.
Mahal mo ba ako?
ipinararamdam mo saking special ako sayo.
Sa tuwing nakikita kita hindi ko maipaliwanag ang nadarama.
Kahit gusto kita,
kahit gusto kita makasama at payagang mahalin ako,
Pero kailangan kong iwasan ka.
Kailangan kong lumayo sayo.
Ikaw ang taong gusto ko makasama at manatili sa buhay ko.
Ngunit hindi ko na maibabalik ang panahon sa dati na tayo pang dalawa.
Tapos na ang mga araw at panahong nakasama kita.
Dumaan na ang mahabang panahon at taon na wala ka sa piling ko.
May roon ka ng iba at mahal.
Huli na para makisumamo at ibalik pa ang lahat
Sa murang pag iisip na kailangan ko ng isang tulad mo sa tabi ko.
Mapupunan ba lahat ng pagkukulang sa loob ng puso ko kung naging tayo nalang noon hanggang ngayon.
Ang pagmamahal na dapat na sa akin at dapat na natatanggap ko na dahil sayo.
Ang lahat ba ng sugat sa puso ko ay maghihilom sa tabi mo.
Ang pagibig na hindi maalis sa puso ko.
Dahil habang buhay kang laman sa puso ko.
Hindi lang kita kababata at kapamilya,
Ikaw ang ugat sa puso ko at dugo ko na palagi kang nasa puso ko.
Kung ano man ang nararamdaman at feelings ko sayo noon hanggang don nalang yon
Hindi ko na ninais pa na lumubos sa pag mamahal na gusto **** ibigay at gusto ko maangkin.
Kalimutan ko man ang pag tingin ko sayo habang buhay
Ito ng nakatago sa nakaraan ay tinalikuran ko.
Kahit paulit ulit man akong multuhin ng nakaraan kong puso pero ang pagmamahal na gusto kong mangyari ay hanggang doon nalang.
Wala ng iba.
gusto na kita maging masaya.
Masaya na akong may mahal ka ng iba.
Uhaw man ako sa pagmamahal pero
Ayaw ko ng masaktan at pilitin pa ang puso ko sa mga nakaw na saglit upang lumigaya kasama ka ngunit kinabukasan masasaktan lang din ako dahil maiiwan parin ako mag isa at hindi ka na kasama.
Oo dapat kitang balikan pero hindi ko na kaya.
Please huwag mo ng ipaalala sakin.
Wala na ang lahat, iba na ngayon.
Ipahinga na natin ang lahat ng nakaraan.
Ipahinga mo na ang puso ko sa pagibig.
Alam ko mahal mo parin ako pero hindi mo na din kaya pa.
Mahal parin naman kita ngunit hindi na tulad ng dati.
Mahal kita kahit may mali sa aking nadarama,
kahit masakit man na masaktan kita
ngunit nilagay ko na yon sa tamang lugar
dahil mahal kita,
dahil mahal mo ako yon ang iginanti ko sayo.
Tamang pagmamahal ang pinili ko hindi ang bawal na pag ibig.
Mar 31, 2025
Mar 31, 2025 at 3:47 PM UTC
kung sa dulo'y gusto lang naman ang sumaya,
hindi nalang sana nag-aksaya pa
ng oras kung hindi naman kayang tanggapin ang sakit na na-idulot
at 'di mo rin karapat-dapat ang mahalin
dahil ikaw mismo ay ang taong mapili,
ngunit sa katunayan, hindi naman pinili.
Aug 4, 2024
Aug 4, 2024 at 12:42 PM UTC
031224
Ikaw ang alaalang nais kong ibaon sa limot —
Ang kalimutan ka ay kalayaan ko.
Ikaw ang larawang sana’y kumupas na
At handa ako kung anayin na
Ang mga sandaling kasama ka.
Sa tuwing pumipikit ako’y
Dinadalaw mo pa rin ang aking isipan
At maging sa panaginip,
Ako’y tila binabangungot
At magigising nang bigla ang aking ulirat.
Ang bawat patak ng luha’y ni hindi na masukat
Gaya ng ulang walang himpil na pagbagsak.
Kung sana noong una’y binitawan ka na agad,
Sana’y hindi nagdurusa ang puso kong pagod na.
Mar 31, 2024
Mar 31, 2024 at 10:17 PM UTC
Hindi pala matic gaya
ng kotse o anumang makinilya
ang pag-ibig.
Para pala itong pagsasaka.
Sinungaling ang nagsabi ng, “Kung ano
ang itinanim ay siang aanihin.”
Magbubungkal, maghahasik,
magdidilig ng dugo’t pawis
pero ang bunga ay depende.
Hindi pala matic, parang
si Siri o Alexa ba balang-
araw mababasa ang isip ****
nagdududa. Sa akala kong
matic, hindi pala.
Mar 1, 2024
Mar 1, 2024 at 4:42 AM UTC
Isa marahil sa libu-libong isda sa karagatan
Ang maigting na pumipili ng pain sa kawalan
Sa takot na baka ibalik lamang sa karamihan
Sapagkat ang nais ay di na pakawalan
Ang uri ay hindi maihahambing kaninoman
Tila nagiisang premyo sa makahuli na sinoman
At isang beses nya lamang matitikman
Ang tunay na tagumpay ng hamon ng karagatan
Sumisisid nga ng husto pailalim
Hinahanap kung may butas pang susuungin
Takot na takot na baka mapain
Ang isdang nasanay nang nasa ilalim
Kailan kaya susubukang umangat
At matutong sa pain ay kumagat?
Makatagpo nang mangingisdang tapat
At kung mahuli sa kanya ikaw na ay sapat.
Jan 16, 2023
Jan 16, 2023 at 11:16 AM UTC
Nagkakilala tayo sa mga panahon na kailangan ko ng saya
Pinaramdam sakin na d ako mag-iisa
At dahil dun ay nahulog ako sayo sinta
Ngunit ako'y nabigo at nawalan ng pag-asa
Tinigilan kong kausapin ka
Sinubukan ko ngunit d ko kinaya
Ang puso ko'y hinahanap hanap ka
Sa isipan ko'y hindi na talaga mawala wala
Kaya aking sinubukan ulit
Kahit na masaktan akin paring pinilit
Mabigo man ulit
Okay lang basta sa babaeng aking iniibig
Ngunit ngayo'y nag-iba, sayo ako'y hindi nabigo
Ako'y iyong binigyan nang pag-asa
Hindi ka sasaktan yan ang aking pinapangako
Sa aking pagmamahal ikaw ay makakaasa
Hindi pa man tayo ganun katagal
Pero sigurado akong tayo'y magtatagal
Kahit minsan relasyon ay tumatamlay
Wag kang mag-alala hanggang dulo hahawakan ko ang iyong mga kamay
Para sa babaeng pinakamamahal ko,
Wag kana sanang maglaho pa sa piling ko
Pangako ko hindi ko sasayangin ang isang tulad mo
Pag-asa ang dala saakin ng isang tulad mo
Hanggang dulo na sana
Pag-iibigan nating dalawa
Wala sanang makagiba
Sa mga pangako natin para sa isa't isa
Mahal, panghahawakan ko ang ating pag-iibigan
Walang hanggang yan ang aking aasahan
Makasama ka hanggang kailanman
Walang gigiba sa ating pagmamahalan
Mahal na mahal kita iyan ang pakakatandaan
Kahit anong mangyari hindi ka iiwan
Sa altar ika'y pagmamasadan
Hanggang salitang "oo" ay iyong mabitawan
Dec 24, 2021
Dec 24, 2021 at 1:03 PM UTC
Ang aking unang pag-ibig ay tila ba perpekto,
Tila ba ito'y hindi magwawakas hanggang dulo.
Ngunit sa isang iglap ito'y nagbago,
Dating masayang relasyon biglang naglaho.
Nagsimula sa isang bagay na hindi napagkasunduan,
Hanggang sa dumami't hindi na mabilang,
Naghanap ng ibang tao na pwedeng mapaghingahan,
Panandaliang sarap sa iba'y kanya ring tinikman.
Kaliwa't kanan na sumbatan,
Mga pagkakamaling paulit-ulit binabalikan,
Mga salitang masakit na hindi na malimitahan,
Tila ba kami'y estranghero at walang pinagsamahan.
Ako nga ba? Ako nga ba ang dahilan tulad ng iyong tinuran?
Hindi ba't ikaw itong nangloko at ako'y pinagtaksilan?
Masaya ka ba sa iyong ginawang kasalanan?
Habang ako'y nandito at patuloy na nasasaktan.
Saksi ang lahat kung paano kita minahal,
Ipinagmalaki at ipinaglaban sa pamilya kahit sila'y hadlang.
Hindi sukat akalain na ito'y hindi magtatagal,
Relasyon na aking iningatan, ngayon ay isang kwento na lamang.
Dec 15, 2021
Dec 15, 2021 at 1:11 PM UTC
Madalas sumagi sa aking isip
Ang ideya na ako'y sumagi rin saiyo
Nagbabakasali na kahit sa isang ihip
Ay maalala mo rin ako
Subalit iyon ay malabo
Ika'y maraming binubusisi
Kaya rito lamang ako sa malayo, nagtatago
Nanininugho, humihikbi
Dec 4, 2021
Dec 4, 2021 at 10:34 AM UTC
mahal, kailan ka huling ngumiti?
ngiting tunay at hindi pinilit,
mahal, kailan ka huling tumawa?
tawang kay lakas at nakakahawa.
mahal, alam kong mabigat na naman
mabigat muli ang iyong nararamdaman,
sa araw-araw hinihiling **** sana'y gumaan
hindi mo alam kung gaano mo pa katagal makakayanan.
mahal, narito ako sasamahan kita,
'wag nang matakot pa, hindi ka na nag-iisa
ako'y magsisilbi **** pahinga,
ako ang s'yang magiging tahanan,
kaya mahal, tumahan na.
Oct 3, 2021
Oct 3, 2021 at 8:33 AM UTC
kung hahayaan ko ang aking puso magdesisyon,
tatakbo pa rin ako sa iyong mga bisig
para yakapin ka kahit ako pa'y mapaso
pilit kong pasisiklabin ang liyab
na malapit nang mamatay
kahit na masaktan ay ayos lang kung ikaw—
ikaw na bukod tanging sakit na kaya kong tiisin.
siguro nga'y ako'y tagahatid lang sa'yo papunta sa tamang tao at ika'y ganoon din sa'kin.
maari bang humiling sa huling pagkakataon? pwede bang dalhin mo na 'ko sa kanya, nang ika'y malimutan na?
Jun 9, 2021
Jun 9, 2021 at 11:02 AM UTC
sa pagnakaw ng tingin,
atensyon mo ay bumaling.
hindi mo ba pansin?
malas ko, sayo pa ako nahumaling.
habang minamasdan ang buwan
na humimlay sa tapat ng araw na sikat,
tanging nasabi ko na lang ay ewan
at lumaki na lalo ang agwat.
kahit asamin ko na maging akin ka,
ipasasalo na lang lahat sa hangin.
walang ibang salita kundi baka,
nararamdamang dapat itapon na sa bangin.
kaya't sa paglaya ng buwan
sa araw na maliwanag.
maging akin ka man,
mahirap mabanaag.
Feb 18, 2021
Feb 18, 2021 at 10:09 AM UTC
Naalala mo ba?
Panahong pinagmasdan kita
Ika'y nailang at biglang natawa
Sabay sabing, "May problema ba?"
Naalala mo ba?
Yung kwentuhang walang hanggan
Tila hindi alintanang gabi na
Masyadong maikli ang oras na nakalaan
Naalala mo ba?
Sinabi kong, "Walang maiinlove ha."
Ngumiti ka at nangako
Pero nagkamali pala ako
Ako'y nahulog sa'yo
Ngunit di mo sinalo
Kasi hindi naman ako
Ang taong gusto mo
Feb 4, 2021
Feb 4, 2021 at 9:31 PM UTC
Nahanap ko na!
Nahanap ko na ang pagibig!
Ako'y sabik na sabik nung una.
Ako'y parang nakahanap ng ginto sa kalsada.
Gumawa ng mga pangako.
Para sa atin ay hindi susuko!
Nagplano para sa kinabukasan.
Lahat ng pinto sa puso'y binuksan!
Lumipas ang bawat oras, araw, at taon.
Tinanong ang sarili kung bakit naging ganon.
Mga pangako'y nasira,
Kinabukasan ay naging basura.
Nagiba ang ihip ng hangin.
Mistula ang taginit ay naging taglamig.
Liyab ng puso'y nawala.
Ako'y giniginaw na.
Mga pintuan ay sarado
Mga ilaw ay patay.
Nagdilim ang paningin.
At ako'y nahulog sa bangin.
Huling sabi sa sarili.
Ang puso ko'y sira na.
Ako'y nagsisi.
Ito pala ang pagibig.
Feb 1, 2021
Feb 1, 2021 at 2:59 AM UTC
Meron akong nakilalang babae
Kung saan ay hindi ko na ipagsasabi
Siya ay hindi maipagkailang kakaiba
Walang ibang pwedeng ihalintulad sa kanya
Kung sino ka man sa likod ng ipinapakita **** imahe
Yan sa ngayon ay hindi na importante
Marinig ko lang ang boses mo na kay tining
Na nagpapaganda nang tulog ko hanggang sa muling paggising
Kung dumating man ang araw na ikaw na ay magpapakilala
Sinisigurado kong ika'y bibigyang halaga
Sa pagtingin ko ay walang magbabago
Kasi pagkatao mo naman ang aking ginusto
Kaya ikaw ay huwag matakot
Ako'y hindi gagawa ng dahilan para ikaw ay maging malungkot
Kasi ang tanging gusto ay lumigaya ka
Lalo na kapag ako ang may likha
Jan 22, 2021
Jan 22, 2021 at 6:42 PM UTC
Ako'y nagsusulat ng librong lahat ay patungkol sa kasakitan
Mga pinagdaanang puro kapaitan
Mga alaalang pilit mang kalimutan
Hindi magawa gawa dahil nakatatak na sa aking kaisipan
Kaya naisipang isulat nalang at gawing topiko
Mga karanasang balak gawing libro
Bawat kabanata sa buhay kong hindi ko alam kung wasto
Ngunit lahat ng ito'y isusulat ko
Sinusubukang ibahin ang bawat kabanata
Ngunit tila lahat ng ito'y kusang naitugma
Mga pangyayari sa'king buhay na gustong iwasto
Sana balang araw ito ay maitama ko
Ngunit isang araw kapalaran ko ay tila nagbago
May nakilalang tao na dahil sakanya ay gusto kong magbago
Kadiliman sa aking isipan na kanyang binigyang ilaw
Buhay ko'y kanyang binigyan ulit ng saysay at linaw
Bagong kabanatang sana'y kasama ka
Librong sinusulat dahil sayo ay nag-iba
Mga kabanatang nagdaang kay pait
Kasiyahan kasama ka ay gustong ipalit
Bagong kabanatang gusto kang makasama hanggang sa pagtanda
Makalimutan man ang librong naisulat na
Hinding hindi ang rason kung bakit nagbago ang paksa
Ngayon, ikaw lang ang gustong makasama sa lahat ng bagong kabanata na aking isusulat pa.
Jan 18, 2021
Jan 18, 2021 at 10:12 AM UTC
Maraming posibleng mangyari sa loob ng isang buwan
Agosto, ako'y sigurado na hindi sayo titibok ang puso
Ngunit pagsapit ng Setyembre, damdami'y biglang nagbago
Ngayon lang ba natanto na noong Hulyo pa napukaw ang damdamin?
Sa pag-iingat sa aking puso ay tuluyan na ngang nahulog
Bigla na lang natakot na sa'kin ay ika'y mawala
Kaya nama'y walang ‘sing tamis ang ating pag-iibigan pagdating ng Oktubre
Kahit nagtatalo ay mas nangibabaw ang pagmamahalan
Subalit lalo lang lumala at nagkalabuan noong Nobyembre
Ako'y nakapagsulat ng tula para sa'yo, mahal
‘Yon nga ba ang nagsalba sa ating dalawa?
Disyembre, alam kong pagod ka na
Gayunpaman ay pilit kong diniligan ang ating nalalantang pagsinta
Ngunit imbis na diligan ay aking binuhusan kaya naman ika'y nalunod
At nang ating salubungin ang bagong taon,
ako nga'y tuluyan **** binitawan
Hindi na sinuyo, wala ng paramdam
Masyadong mabilis ang mga pangyayari
‘Di malaman kung saan gusto bumalik—
noong Hunyo bago sa'yo'y nagkagusto
upang pigilan nang mas maaga ang nararamdaman
o Disyembre upang maitama ang aking pagkakamali
Hindi naman inaakala na ganito magtatapos
noong tayo'y magkalapit noong Abril
Hindi na ba tayo masasalba ng aking tula sa pangalawang pagkakataon?
Maraming posibleng mangyari sa loob ng isang linggo
Marahil ay iyong pinagpatuloy ang iyong paglakbay
Habang ako'y nanatili sa lugar kung sa'n ako'y iyong iniwan
Jan 18, 2021
Jan 18, 2021 at 4:01 AM UTC
;;
ikaw ang paburitong kanta na inaabangan ko palaging tumugtog sa radyo.
ikaw ang larong pipiliin kong maging taya ulit.
ikaw ang pelikulang uumpisahan kong muli,
kahit na lumuha pa.
ikaw pait na nais kong malasan pa rin.
ikaw ang sakit na hahayaan kong madama ulit,
at ikaw rin ang pag-ibig na patuloy sa akin na ipinagkakait.
Jan 14, 2021
Jan 14, 2021 at 5:27 PM UTC
—at sa iyong hindi inaasahang pagdating,
at sa pagkislap muli ng mga mata tulad ng bitwin—
ay marahan mo akong hinagkan
ang mga mahigpit **** bisig
ang nagsasabi ng iyong pag-ibig—
na hindi mabigkas ng iyong bibig.
sapat na ang katahimikan na bumabalot sa ating dalawa—
para marinig ko ang bulong ng pusong nagmamakaawa.
sapat, at sobra sobra ang liwanag ng mga—bitwin at buwan para sa atin.
ang musika na nililikha ng iyong paghinga—
ay napapaindak ang puso kong pagod na.
sa dagat ng mapaglinlang na mga ngiti—
ay natagpuan mo ang nangungulila kong labi.
at sa bawat pag dampi nito sa'yong noo'y—
kusang namumula.
tulad nang minsanang pagtatagpo araw—
at buwan.
wala,
wala,
at walang makakapigil
nang pag-agos ko sayo,
at hindi na hahayan na ang mga paru-paro—
ay muli pang humayo.
Jan 13, 2021
Jan 13, 2021 at 12:32 PM UTC
010121
Magsusulat na naman ako
Gaya ng dati --
Nagsusulat na naman ako
Para sayo --
Nagbabakasakali.
Ilang beses kong nilimot
Na ikaw ang aking unang panalangin,
Na sa tuwing pinagmamasdan kita'y
Nalililimot ko ang 'yong pangalan
At wala akong ibang hangad
Kundi purihin Siya.
Na sa tuwing tayo'y ipinagtatagpo,
Ay naroon tayo sa presensya Nya.
Tila ba kahit naisin kong lumapit sayo'y
Tayo'y pinagigitnaan Nya
At wala tayong ibang dahilang pumarito
Kundi magpasakop sa Kanya.
Parang tayong mga ekstranghero
Sa mundo ng isa't isa.
Lilihis at lalayo,
Yan ang kusa kong pagsinta.
Siguro nga,
Hindi ako nakapaghintay
Pinangunahan kita..
At nakaraang taon di'y
Naging masaya ka na rin sa iba.
Nagsusulat ako --
Bilang aking pagtugon
Sa panalangin ko noong
Ikaw lang ang hihintayin,
Ang mamahalin.
At sabi ko pa nga sa'king sarili'y,
"Kung ikaw talaga,
Handa akong iwan lahat.."
Tila ba kaybigat ng aking panalangin
Ngunit kaygaan din kung para naman sa Kanya.
Sana malaman **** --
Minsan kang naging paksa sa'king mga tula,
Ako'y naghintay nang ilang taon
Ngunit siguro nga,
Nauna akong sumuko --
Pagkat hindi ka naman tumugon.
Hindi ako nakaramdam
Ng anumang galit o tampo
Nang minsan mo akong iwan sa ere,
Matapos **** magtapat ng pag-ibig.
Nautal din ako noong mga panahong iyon,
At tanging dasal ko'y,
"Kung hindi pa natin panaho'y,
Tanggalin na lang muna tayo sa isa't isa.."
Ni hindi ko alam kung saan nanggaling
Ang lalim ng ganoong panalangin,
Ang lakas ng loob kong humiling
At tinugon naman iyon agad ng Langit.
Ngayon lang kita ulit napagmasdan,
Nahagip ang puso ko gaya ng dati..
Alam ko, wala ka naman sa lugar
Para muling magtanong sa'kin
Pagkat iba na ang himig
Ng sarili kong damdamin.
At kung sakali mang ikaw pa rin sa huli,
Hayaan **** ako'y maging tapat na sayo --
Pagkat sa bawat oras
Na ika'y sumasagi sa'king isipa'y,
Ramdam ko pa rin ang pagsambit mo
Nang "Ikaw na,"
Hanggang sa muli nating pagsinta.
Jan 1, 2021
Jan 1, 2021 at 10:31 AM UTC
‘Yung kayang manindigan kahit dumating ang puntong nahihirapan.
Umuunawa’t hindi basta nangiiwan. Nananatili sa mga araw na hindi magaan.
Nananatili dahil alam na ‘yun ang kailangan at sa puso'y nagpapagaan.
Na kung sakali man dumating ang mga panahong lilipas na ang kisap ng samahan —hahanap ng paraan upang maibalik ang kilig, ang dating tinginan, ang nawawalang lambingan.
Marunong tumanggap ng pagkakamali.
May panahon lagi para umintindi.
Na sa oras na magpakumbaba ka’t magsisi,
yayakapin ng katulad ng dati.
Hindi agad umaalis,
hindi nagpapadala sa galit,
sumasagot sa’yong mga bakit.
Higit sa lahat, siyang naaawat ng salitang patawad.
Dahil nararapat ang pag-ibig na sigurado.
Hindi umaatras, hindi tumatakas.
Hindi nagdadalawang-isip kung aalis o mananatili.
Ako, na ang tingin sa’yo, ay pag-ibig na kapili-pili
Dec 16, 2020
Dec 16, 2020 at 1:51 PM UTC