#bodo
दैसा सेरनि हाब्रां सायाव
जनानै नायहरदों आं हरै मारुआव
दुब-दुब मानिबा सोदोब बिखा खनायाव
बानाबादि मेगन फैसालियाव
बोहैबोदों मनिबा जाहोनाव
मानि इसारा जाखो बिलाय?
सोनाबनि बै जारौरौ आबिरानो
जिरि-जिरि बोहैनाय बे दैसायानो
खोन्थागोन आंनि गोसोनि खोथाखौ
फोरमायगोन बै इसाराखौ
माबादि दुखुनि सुंद' जारिमिन!
बै जारौरौ आबिरबादिनो
अनजालिनि हाइना महराबो
खावना लांदोंमोन आंनि गोसो-गोर्बो
गोसो थोदोंमोन आं मोथो-मोथो
नाथाइबा दिनै लाथिख' अनजिमासो!
बेलासेनि जारौ आबिराव
अनजालिनि हाइना महराव
गोजावदोंमोन आं अन्नायनि लैथोआव
नाथाइ दिनै खोमसिनि आन्दोआव
नागारलांबाय अनजालिया बै आबिरबादिनो।
जिरि-जिरि बोहैनाय दैसाबादिनो
आंनि मेगननि मोदैआबो
बोहैबोदों बाना बादिनो
मा थांखिजों, सोर मा मिथिनो?
बियो बै जाहोननि थाखायनो।
May 2, 2017
May 2, 2017 at 10:19 PM UTC
I'm not afraid to die of her smile
because no poison
no fuel, adulterated......
and no betray in her mind
when she smiles deep and sweetly
then I want to swim as much as I
and, of her tears like ocean
i wish I could swim, I can fly of her voice
I love her specifically, since
when we had been strangers for a day
for a night of flowering season
and we had smiled jointly by faced
I recalls that moments by heart and silenty
the beautiful moments returning
with holding her shadows --
she was smiled, that pictures arrived again
Like a baby of smallest ages I play
and the pictures makes me happy
as I feel like the climbing on the peak of mountain's
I love her smile
makeup, beautify herself and
everything of her fashion
and designing, and become natural beauty
i love her like a fish loves water
i love her like a bird loves sky
Sep 27, 2018
Sep 27, 2018 at 9:45 AM UTC
मादि मुहिनाय बेयो हायना गोनां,
इनायनो आंनि गोसोखौ आवलि होनाय;
नायहोर नायहोर आंनिबो गोसोआ रंजालु,
इसारा दं मोजां मोन्नायनि बेवहाय नोँनि।
सना नों--
लाजिगुसु जोबोद इनायनो,
उखुमब्रेनि जोमैयाव थाखोमाबायनाय बादि;
नायहर खोमायो नों आंखौ बेबादिनो।
आंखौ नों मोजां मोनो?
यै सैनाय मिनिस्लुनाय खानाय-बानाय।
Nov 6, 2017
Nov 6, 2017 at 11:06 AM UTC
बोथोर बोथोर सोलायो महर नोंनि
एंखोर बिरना लाइफांफोरबादि,
लासै लासै जारौ साना हाबलाङो,
आंनि गोसोआव आद्रा थालाङो माबा गोबां;
रजे आरो आंनि रायज्लायनाय,
ओरैबादि गुस्लायलाङोदि गोसोनि खोथा;
मादि गोमोथाव बियो नोंबादिनो गोमालाङो!
Nov 6, 2017
Nov 6, 2017 at 11:00 AM UTC
गोथार आरो गोदानावसो थायो ना
ओरैनो जेरावबो दं नोंलाइ?
जारलाजों नांलाय-खमलाय आंहा
ओरैनो नांलायनाय गावजोंनो गावनो,
नै लोगो नोंखौ मोनोब्ला सोरखौथो नांबावगौ जाखो?
Nov 6, 2017
Nov 6, 2017 at 10:56 AM UTC
My darling make in her dokhona
The design of blooming roses,
O rose! Why do you bloom?
My heart ask, as a bee and butterfly
But answered my sweet darling,
With the design of the roses dokhona
If I look her in the evening, my heart has
Somewhere in the sea to sink
I get deep like a dream.
Peaceful and lovely in the morning
You communicate with attraction,
And dancing blonde with the wind
O rose! Make smile on the lips
Darling and I both of us meet.
Let sing the birds in the branch of trees
White clouds in the sky,
From the mountain to see the trees
Rose and I to my darling.
Jun 27, 2017
Jun 27, 2017 at 9:14 AM UTC
Even more beautiful than the bride
Today evening in my village
Cold and peaceful in the air flow
The scent of the land of farming
In the tree jackfruit and mango
The birds ate a lot fruits
And singing song on the tree branch
The blue sky is so holy and pure
Waterfall is flowing happily beside the village
Silence and sweet song like sing
At the meadow, the cows don't leave to eating grass
The girls eating mango's vegetables
And talking about the love
Now village road is like the design of dokhona
This is the way I walk again and again
Jun 24, 2017
Jun 24, 2017 at 6:04 AM UTC
You have come in my heart and village
Very beautiful to make the world
The wind is peace around,
Animals, birds and human beings
Lots of happiness today.
White clouds dancing in the sky
The cuckoo sings on the mango tree,
Beautifully flowers are blooming today
Many days I had to wait
Well done today you came.
How to say- the joy of heart
Bwisagu you became my happiness.
Today you are my sweet song
You are my body and heart,
You are my pure new dream
So you made the new world
Beautiful sky, new road and the peace wind.
Feb 26, 2015
Feb 26, 2015 at 10:22 AM UTC
रसा नाङै नाङै आरो बेसेबां थैनो?
बेसेबां उन्दुनो मेगन मोदैजों?
हांमा आरो दाहाखौ बेसेबां गोबानो-
आरोबाव गादब जानो मुगा मोनबेसे?
जों सुथुरखौ सिनायबाय दिनै
सुसिगिरि गादबगिरि खुंगुरिखौ सिनायबाय,
बेखायनो सोंनो गोसो जायो दिनै
सिखावखौ सैमा बथाया सोंनायबादि।
ओँखार ओंखार बे हानि फिसाफोर
सुसिग्रानि अन्थाइ बिखा गलि होनो,
बे हादोरनि आयेन बस'ग्रा खुंगुरिखौ
राजमासिनिफ्राइ दिनै बोख्लायना होनो।
रोजाब मेथाइ बिखा फोरदान्नानै
थांनानै थानायनि मोन्थाइनि थाखाय,
उदांस्रिनि गोलाव लामा हान्थिनायनि
रोजाब मेथाइ बिख्लो सोमावनायनि।
हाखर सिङाव अख्रां नायदाव नायदाव
आरोबाव दिनै थानो हालिया,
सिमां मिजिंखौ फेलें खालामजालिया
बिरखांनो अख्रांआव फानजारि सिफायदो।
जों लुबैया अराय मुगा खोमसिखौ
इनाय-अनागार आरोबाव हाया सहायनो,
बिखा फोरदानदो गादबग्रानि हेंथायै
बे हानि फिसाखौ जोथोनै दोननो।
ओंखार आदार सिख'जानाय फिसाफोर
रोजाब जुजिनायनि बिग्राइलु मेथाइ,
उदांस्रिखौ लाबोनो बयनिबो सेराव
रोजाब जिउ जारिमिननि मोन्थाइ।
जों बे हानि मावथि आबादारि
बे हानि रैखा खबसआ जोंनि
आजै-आजौनि देहा हासारजों रजनाय बे मिथिंगा
बुं सुसिगिरि बे हादोरा सोरनि?
Mar 15, 2017
Mar 15, 2017 at 4:31 AM UTC
अराय मुगा खोमसि खोमसि
बे गादबजानाय, बे सुसिजानायखौ
दिनै आरो गाबोन सहायनो हालिया,
फरायजायै खोमसियाव थानो हालिया।
बनजार दैखांदों गादब जानाय फोरजाफोर
बे गादबग्रा, बे सुसिगिरिजों जुजिदो
ब्लाव ब्लाव दुंनाय अर बिखायाव लानानै-
खोमसिनि जालामाखौ दिनैनो बोखावदो।
उदांस्रिया हब्रादों आयदै आयदै होन्नानै
अन्थाइ बिखा खुंगुरिनि आथिं सिङाव,
मोनजारोङैनि गाबनायखौ फोजावदों जोमैजों मोनजारोङैनि बिखाया खामग्लिदों दाहायाव।
रोजाबदो आंनि हे बिग्रायखांगिरि मोन्थाइनि
बेसेबा दाहार सिमना सिफायनायनि,
उदांस्रिखौ फसंनि मोन्थाइनि बिन्दोआव
गोजोन गायसननो अराय थांनानै थानायाव।
अराय मुगा खोमसि खोमसि
बेसेबा गाबनांनाय, बेसेबा हांमा सुरनाय
जोबनो रोङै दुखुथियानि मोदै गसरनाय
खोमसिखौ होखारनो बनजार दैखांदो।
गादबग्रा बे सोबखग्रानि हेंथायै
खुंगुरि बे सुसिगिरिनि बिखा खामफ्लंनो
रोजाब जारिमिननि मेथाइ मोन्थाइनि
रोजाब ब्लाव ब्लाव अर लानानै।
Mar 14, 2017
Mar 14, 2017 at 1:14 PM UTC
बिग्रायारि आंगोनि आंगो लोगोफोर
खौसेथिनि दौलेँ बोन्नाया जआखै,
बे बोथोरनि बारा बारगासिनो
आफाया दिन्थिनाय लामाजोँ दावगानि।
बे जोँनाय अरखौ आखायाव दैखांदो
जोमैया खोबथेनानै लायो सानखौ,
बे फैसालिनि खोमसिखौ होखारनो
बे जोँनाय अरखौ दैखांदो।
मुगानि सुसिनायखौ फेजेन्नो
बिखा फोरदान आथिँ फोलाव,
बेगेँखौ हा खालामनानै जुजिदिनि
उदांखौ मोखां सेराव लाबोनि।
मेगननि मोदैखौ हुगारै हुगारै
बेसेबां खोमसिआव थाबाय थानो?
आथिँ सिङाव मेमब्रायै मेमब्रायै
बेसेबां गादब जानायखौ सहायनो?
फानदावलाफ्रा जेरैबो दौलेँ सादोँ
जोख्लायहरनो नाजायो दैखर सिङाव,
बे गादबनायजोँ जुजिनो दावगादो
जोँनाय बिखानि अरखौ सुखांदो।
रोजाब रोजाब बे हज्रिख्रावनाय
मोनहां-मोनहां सफैबाय लामायाव,
बारबोगौ उदांस्रिनि गोजोन बारा
रोजाब मेथाइ खौसेथि गारांजोँ।
Mar 12, 2017
Mar 12, 2017 at 11:04 AM UTC
अराय बे खोमसिखौ होखारनो
गोजोँ गोदान फैसालिखौ बोलानो
रोजाब मेथाइ रायजो दाफुंनांगौनि
गोदान सान गोदान सोरां फैनायनि।
मुगानि उनाव मुगा नासय जानाय
बे थगाय जानायखौ दिनै गोसोखां,
दावगालु इयुनखौ दिनै सानखां
गोदान मेथाइजोँ थांनानै थानाय।
खोमसियाव मोखां खाथेजानानै
आरोबाव बेसेबां आन्दायनो फैसालियाव?
बे सुसिनाय बे अदखारखौ हमथानो
दिनै माबार उदांस्रिखौ रोजाब।
दावगानो हायै बे बेँथेनायखौ
बे गोरा दरजाखौ जोखावनो
ओँखार बयबो सुसिजानाय फिसाफोर
हार्सिँङै हाया हानजायै हाथारगोन।
आखायाव बनजार लानानै ओँखार
बे खोमसिखौ होखारनो लामा गेजेराव,
अराय उखै जानायखौ सहायनो हाया
जांख्रिखां दिनै आरो इयुन मोनथाइनि।
अराय उदाङै अख्रांआव बिरदावनो
अराय मिलौहाब मेथाइ रोजाबनो
रोजाब दिनै खोमसिखौ होखारनो
गादबग्रा बे सुसिगिरिखौ फेजेन्नो।
Mar 11, 2017
Mar 11, 2017 at 6:36 AM UTC
बेसे गोजान! आरोबाव बेसेबां गोजान
जेबो साननांगौ गोसोआव गैया,
नोँ दावबायलां बुहुमा सानखौ गिदिँनायबादि
गोजान जेसेबां हायो गोजानाव।
बबेजोँ हान्थिनो! नोँ बेखौल' थि खालाम
लैथोजोँ हान्थिलांगोन मेंनाय गैयै
अख्रां एबा हाजोँ हान्थिलांगोन-
जोबनाय गैयै गोजोन फैसालियाव।
गोदो मुगा आरो दिनैनि मुगाजोँ
बेसेबा आंगो फाराग थासेयावबो,
नोँ सोमोन्दो लाखिनांगोन अनजिमा गैयै
जोबथा गैयै इयुन फैसालिजोँ।
नोँ रोजाबनांगोन मिलौनाय मेथाइजोँ
मेंनाय गैयै हान्थिनाइनि खबाम
जेरै थुलुंगा जानानै थायो दावबायारिफोरनि,
नोँ हान्थिलां बेसेबा रंजानायजोँ।
लामायाव सोरबा थाबथागोन बेहेराव
नोङो बिखौ बोखांनांगोन मदद होनायजोँ,
नोँनि हान्थिनाया बेबादिनो जागोन
बेसेबा गोजान आरो गुवार लामायाव
अख्रांबादि गुवार गोरबो थुलुंगाजोँ,
नोङो बयबोखौ गोबाना लानांगोन।
नोँ दावबायलां बुहुमा सानखौ गिदिँनायबादि
हरखौ सान खालामनानै आरो
मोनफ्रोम बुब्लिखौ समायनाजोँ साजायनानै
बेसेबा मेथाइ दैमानि दैबादि थादनाय गैयै
Mar 5, 2017
Mar 5, 2017 at 2:03 AM UTC
जेरैबो जांख्रिखांदोँसै सोरगिदिँ बुहुमाव
सिखारदो आंनि उन्दुसोनाय लोगो
मेगन हुब्लिरदो मोखांखौ नोङो सुदो
दाउज्ला गेसेरनायखौ फेलेँ दाखालामसै।
जेरैबो मेथाइ रिँखांदोँसै बे मुगानि
बेसेबा जांख्रिखांनाय गोदान सोदोमस्रिनि
लोगो सिखारदो माबार नोङो
दाउसिनफोरबादि बिरनो माबार जुजिदो
समखौ नोँनो गथायनानै होफैबाय
सानजानि गोजोँ सोरां आलायारना।
समखौ लोगोआव लानानै नोङो
लोगो लोगो खारफादो गोख्रै
बिबारनि गेवलांनाय जेरैबो मोदोमनाय
नोँ दिनैनि फुंआव नुगोन मेगनजोँ
गोख्रै सिखारदो नै लोगो नोङो
जांख्रिखांनायनि मेथाइ रोजाबदोँ मिथिँगाया
गोदान बोथोरनि बारा बारबोदोँ
बे बाराव रंजानो नोङो सिखारदो
अख्रांआव नोँनिनो मेथाइ खनो दाउसिनफोरा
साननि सोरां रोदाजोँ बाज्लखाङो
दैमा-दैसानि दैया गुथाल दिखाङो,
बेसेबा गोजान थांखियाव दावगानायनि-
सिखार लोगो नोङो बुहुमखौ नायहर।
साना गोख्रैनो फैसालियाव गोमायोब्ला
नोङो आन्दायगोन बेसेबा खोमसियाव
सानजोँ गेलेनो दिनै नोङो सिखार
साननि सोरांखौ हमथानो सिखार।
Mar 4, 2017
Mar 4, 2017 at 12:44 PM UTC
बोदोर जायो फुंबिलिनि
ओँखार बोनाय साननि सोरांजोँ
थं गसंना मुलुगखौ नायहरै नायहरै
ओंखार बोनाय हाजोनि निज्राबादि
रोमै रोमै दैसा गाथोनाव रोजाबनो
नेनानै थानांगौ जानाय जिउनि मेथाइ
इनायनो रैसुमै बोथोरनि मेथाइ
मोसाखावरि दाउसिन-दाउलाबादि
एसेबांदि बोदोर जायो आंहा बिरदावनो
थाथिरनाय गैयै गोसोआव बाज्लखांनाय
आरो बेसेबांदि लुबैनाय दं जिउआव
इनायनो गोबां गोगो आरो गोथार
Feb 27, 2017
Feb 27, 2017 at 11:19 PM UTC
आं लुबैयो बिरलांनो उदाङै
गां फुवारना दाउसिनबादि उदां गोसोजोँ-
हिमालय हाजोनि थिखिनियाव,
बर'फजोँ बुंफबनाय खोला मेरुआव।
आं लुबैयो बिरलांनो उदाङै
जोबोद गोख्रै मेंनाय गैयैबादि-
सोरांजोँ बुंफबनाय गोजोनफुरियाव,
रिथि-रिथाव ग्रह-नक्षत्रनि रायजोआव।
मुलुगनि गासैखौबो गुमुर संदान्नानै
मुलुगनि गासैनोबो फोरमायना होनो-
आं गोसो जायो लैथोमा सानस्रिनो,
जोबोद रंजासुला ना जानानै।
सिमां बुंफबनाय आंनि गोरबो गंसे
जेसेबां हास्थायो एसेबांनो सिमां-
नाथाय मोकथांआव गां गैया आंहा,
उदां अखोरांआव एसेबां बिरदावनो।
लैथोमाजोँ बुंफबनाय गंसे मुलुग
होँगो-दोँगो रंजानायजोँ बुंफबनाय,
बेवहायनो आं रंजायो लोगोसे।
एखमबा गावदां जायो अखाफोर
एखमबा बियो खोमसियाव थाखोमायो-
दिनै रंजानाय गाबोन गाबनाय,
बेसेबांदि गेलेनाय आंनि जिउआव बिनि!
थेवबो थांनानै थानो लुबैयो बेबादिनो
मिनिनाय आरो गाबनायनि गेजेराव,
बेसेबा मिजिँ आरो सिमांजोँ-
आं लुबैयो बिरलांनो उदाङै
Feb 27, 2017
Feb 27, 2017 at 1:35 AM UTC
जिउनि गासै गुमुरखौ संदान्नो
इसोरनि गोथार मुं दहाय लायो आं
उदां अखोरांआव साननि खौरांखौ लायो
नुयै मोखांनि खोमसिखौ होखारनो
इसोरनि मुं गाबज्रियै गाबज्रियै
मांखरसालिया जेब्ला फावसायलाङो गोजानाव
एसेबांदि आरो हाथासि गोसोआ
थाथिरनाय गैयै नागिरो गोसो मेगननि नोजोर
आरोबाव आं लुबैयो रोजाबनो-
इसेबां जिउनि रंगिना सानफोरजोँ गेलेनो!
Feb 23, 2017
Feb 23, 2017 at 2:27 AM UTC
उरायदोँ आलाइ-सिलाइ दिनैबो
दाउफ्रि जरासे
आंगोनि गंसे अख्रांनि जोमै गेजेराव
सान्दुं खामजा अखा सिजा सिजा
रुरु मेगननि मोदैजोँ दाहायाव
इनायनो नागिरदोँ सासे दावहारु
Feb 22, 2017
Feb 22, 2017 at 4:23 AM UTC
नांगोलजोँ गावनि थांखिखौ जाफुं होयो
आबाद खालामो बोथोरनि उनाव बोथोर
हाजोँ आफाया दिनैबो बेसेबा गेलेयो
मावथि आंनि आफाया हालुवा।
मिथिँगानि दाउसिन-दाउलाबादिनो
बियो बोथोरनि मेथाइ रोजाबो
आबादनि बिबार फिथाइ हास्थायनानै।
दैज्लां फैयो आफानि रोजाबनायजोँ
मेसेँ फैयो आफानि मुसुरनायजोँ
बेसेबा सोमखोर जायो मिथिँगाया
थाजिम आरो गोजोन जायो मिथिँगाया।
मावथि आंनि आफाया हालुवा
बिनि अन्नायजोँनो थांनानै थायो जिबि
गामि सेरजोँ दैसाया खुसियै बोहैयो
आरो खोलो खोलो बारबाय थायो बार।
जोबोद गोथार आफानि गोरबो
गुवार आरो गोथौ बिनि सानस्रिया
आइया जेब्ला रुखु रुखु गाबो
अब्ला बियो आयनि मोदैखौ हुगारो।
आं जुदि आंखालाव गोग्लैयोब्ला
आफाया आंनि आंखालखौ सुफुंङो
आफाया जेब्ला गावनि राफोद देहाजोँ-
रुरु गोगो गोलोमदै बोहै-होयो
आं बुजियो आंनि आफानि बोलो।
आफाहा मिजिँ दं आंखौ लानानै
आं मा लुबैयो मा हास्थायो?
बियो मिथिगौ जेब्लाबो आंनि गाबनाय।
Feb 21, 2017
Feb 21, 2017 at 9:44 AM UTC
सिमां दं आंहा मोकथां जिउनि
इनाय-अदखारनिफ्राइ अराय बारगनो
मिथिँगाया आंनो बोलो होयो
आं बारगगोन बे फानजारिनिफ्राइ
Feb 20, 2017
Feb 20, 2017 at 9:21 PM UTC
जेसेबांखि बारहुंखायानो बारा मानो
थांनानै थानो लुबैयो जोँ
जेसेबांखि सार-अन्थायानो गावा मानो
जेसेबांखि दैबानायानो फैयाथोँ मानो
थांनानै थानो लुबैयो जोँ
बे मुलुगानो मोनसे दावहाथिलि जेराव
बे दावहाथिलि दावहा फोथारनिनो
जोँ साफा साफा उदांस्रिनि फायखि
जुजिनाय आरो देरहानायानो जोँनि गुबै थांखि
मोन्नो लुबैनाय आरो होनो लुबैनाय
बेबादिनो थांनानै थानो लुबैयो जोँ
एसेल' नङा मोजोमसे जिउनि बेसेना
जोँनि दुखु आरो दाहाजोँ सिथाबनाय
एसेल' नङा मोदै आरो गोलोमदैनि बेसेना
जोँनि गोजोन आरो रंजानायजोँ सिथाबनाय
नंखाय नङा जोँनि खुसि आरो बाज्लनायनि ओँथिया
गोथारै होनाय आरो खुसियै आजावनाय
बेबादिनो थांनानै थानो लुबैयो जोँ
गोरबोनि रैसुमै मेथाइ रोजाबै रोजाबै
जिउनि थांखिखौ गायसन्नो लुबैयो
मोजोमसे जिउमानि गोथार खनायाव
थांनाय आरो फैनायनि गेजेराव
सुदेम खोलो खोलो बारनाय बारनि
मिलौहाब दाउसिननि गोदै गारांआव
थांनानै थानानै लुबैयो जोँ
बेसेबा उदां आरो खौसेथिनि गेजेराव
Feb 19, 2017
Feb 19, 2017 at 12:20 PM UTC
बोथोर हमै हमै बिबार बारग्रा
मान्दार बिबारा बारबाय
फागुणनि गुसु आरो दुंब्रुद बिलिरनायजोँ
जोँनि गामिखौ बेसेबा समाय होबाय
मिलौहाब गारां लानानै दाउलुर दाउसिनफोरा
हानजा हानजा बिबाराव बिदै सोबफैबाय
जोबोद खुसि जिउनि मेथाइ रोजाब्बाय
मिथिँगानि गोरान गोरान बिफांनि बिलाया
दिनै ज्रय ज्रय सिरि गारबाय
गोदान महर लानानै बिलाइ खिलिदोँसै
फिसा फिसा दुब्लियाव बायदि गांसोफोर
गाम्बारि बिबारा बारबाय समायनायै
थाइजौआ गोसो खुसियै मावलिबाय
जेरैबो बेरे बेरेमा ब्रंब्रं बिरबोबाय
बैसागुआ फैयोब्ला बेसेबा खुसिजोँ
जोँनि गामिया सोमखोर महर लागोन
गोरबो बुंफबनाय जिउनि खुसिजोँ
जोँ बयबो बैसागु रंजागोन
Feb 18, 2017
Feb 18, 2017 at 1:55 AM UTC
रेगि-रिगां आगरनि समायना दखना
नोँ जेब्ला ज्राब दोन्ना गानो जेरबायाव सारि
अब्लानो आयआ जोबोद बोराबो
सुरिदार आरो लंफेन गान्नानै
राव आरोबाव हारिमु नेवसिना
नोँनि आखला सानफा-एफा सिमा बारदोँ
महरा गुस्लायदोँ आरो गोसोआ लोरिदोँ
बिनिखायनो आयनि मेगनाव मोदै
असमियाफ्राइ बुरैसिन जोँनि आयआ
अनजालि नोङो आयखौ दासोगाब
बयनिबो हिंसाइनाय आरो सुसिनाय
जोबनो गैयै दुखु आरो दाहा
बेसेबा अलखदजोँ जुजियै जुजियै
जोँनि आयआ दिनैबो थांनानै दं
रोजा रोजा फिसा गोमानायनि उनावबो
बेखायनो माबा गोमासि गोमासि
दिनै जोबोद बोराबसुलि जाबाय बियो
आरोबाव नोङो आयखौ दासोगाब
जोँखौ लानानैनो आयहा मिजिँ दं
बुफ्रुख' हायै जारिमिन गोबानानै गोरबोआव
असमिया सिख्लानि गोदै राव लानानै
आयनि मेगनाव हाद्रि दासार
आयखौ आरोबाव लाजि दाफोनां
अनजालि नोङो आंनि खोथाखौ ला
मानोना बियो आयनिनो बाथ्रा
आरो आं नोँनि खोथाखौ मानिगोन
जाहाथे आइया आरोबाव बोराबा
जेरै रावजोँबो लाजि फोनां जाया
बिनि थाखाय जोँ सानैजोँ गोरोब लायनांगोन
जिरि जिरि बोहैनाय दैसानि दैजोँ
जोँनि आइया देलाइनानै थानो हाथोँ
जखायसे जखायनै सान्नो हायै
आयनि बैसोआ बुरैलांब्लाबो
बिनि गेवलां मिनिनाय मोखां आरो
खुसि गोरबोआ सोमखोर जाथोँ
जेराव जोँ सानैजोँ गोबानानै थानो हायो
दाउसा फिसाया बिमानाव एब्रेनायबादि
जेरै अनसुलि आइनि आखायाव दिन्दौनानै
नैबे बुहुमखौ गिदिँनानै नायनो हायो
जोनोम मोनसे गावखौ आरो
जोँनि आयखौ सिनायथि होनानै
अनजालि जोँनि आयआ सिनाय जायोब्ला
जोँबो सिनाय जायो फिसा होन्नानै
Feb 9, 2017
Feb 9, 2017 at 8:38 AM UTC
खोमसि खोमसि जोबोद सान बारलांबाय
दिनैबो खोमसिया आनज्रायलाङाखै
जोबोद बैसो जानाय आयनि मोखांआव
आयनि मेगननि मोदैया रानलाङाखै
बेखायनो खोमसिखौ बोरै बुस्रांनो हागोन
दैसारि आं दिनै उन्दुलाङा
जोँनि गोथार जुलिया जागोन होन्नानै
गोजोनै संसार जालांगोन होनोब्लाबो
आं फोथायो अनजालि दैसारि
बे खोमसिखौ होखार हरनो थाखाय
आंनो नोँनि आखाय नांगौ
नोँनि दुंबुर गोरबोनि बावनाय नांगौ
आरो नांगौ नोँनि रोजाबनाय मेथाइ
मेंनाय गैयै उदांस्रिनि रोजाबनाय
बानाय गैयै आखायनि हेफाजाब
हिंसानाय गैयै गोरबोनि थुलुंगा
आरो आंगायनाय गैयै रैसुमै खबाम
अनजालि नोँ हुगारनांगोन आयनि मोदै
गावनि गोथार गुरै आखायजोँ
बे खोमसिखौ सोरां होनो
नोँबो दैनांगोन मुथासे बनजार
दैसारि दिनै आं उन्दुलाङा
सोरांखौ जेब्लाबो गाबज्रि गाबज्रि
उदां आरो गोजोनखौ गाबज्रिनानै
दाबो मेँङाखै उदांनि मेथाइ रोजाबनानै
Feb 9, 2017
Feb 9, 2017 at 6:12 AM UTC
बे अरनाव साननि मोखां नुजाया
जोबोद खोमसि गावजोँगाव सौग्रावलायो
मोसा-लख्रानि जोबोद अदखार
जिउखौ आलो-गोजोनै खांनो हाया
बेखायनो अरन सिँखावनायनि मेथाइ
दिनै रोजाब्बाय आं गोसोनि बोलोजोँ
जिउखौ आलो-गोजोनै खांनो जुनै
मोसा-लख्रानि गले गले अदखाराव
जखम जानाय हे आंनि लोगोफोर
रोजाब अरन सिँखावनायनि मेथाइ
उदां फोथार गोजोन बै थिखिनियाव
गोसो होसारना दावगानो माबार रोजाब
जेसेबां हायो गोदै मिलौनाय गारांजोँ
बिबारनि फाइलि गेवलांनाय खबामजोँ
बारदै सिख्लानि जेरैबाबो सिमब्रे-सिमब्रा
बे अरनखौ सिफायगोन गोजाम बोसोरबादि
गोदान खबामजोँ बेसेबा मिलौनाय
रोजाब अरन सिँखावनायनि मेथाइ
हानजा हानजा दावगालांनो हरै
गोदान गोथार बारआव जिउ खांनो
जेराव जोबोद सोरां आरो उदां
जेरै नोँखौ आं सिनायनो हायो
आरो नोङो सिनायनो हायो आंखौ
गावनिनो गोजोँ बेस्रां मेगनजोँ
Feb 8, 2017
Feb 8, 2017 at 1:18 AM UTC