आं लुबैयो बिरलांनो उदाङै
गां फुवारना दाउसिनबादि उदां गोसोजोँ-
हिमालय हाजोनि थिखिनियाव,
बर'फजोँ बुंफबनाय खोला मेरुआव।
आं लुबैयो बिरलांनो उदाङै
जोबोद गोख्रै मेंनाय गैयैबादि-
सोरांजोँ बुंफबनाय गोजोनफुरियाव,
रिथि-रिथाव ग्रह-नक्षत्रनि रायजोआव।
मुलुगनि गासैखौबो गुमुर संदान्नानै
मुलुगनि गासैनोबो फोरमायना होनो-
आं गोसो जायो लैथोमा सानस्रिनो,
जोबोद रंजासुला ना जानानै।
सिमां बुंफबनाय आंनि गोरबो गंसे
जेसेबां हास्थायो एसेबांनो सिमां-
नाथाय मोकथांआव गां गैया आंहा,
उदां अखोरांआव एसेबां बिरदावनो।
लैथोमाजोँ बुंफबनाय गंसे मुलुग
होँगो-दोँगो रंजानायजोँ बुंफबनाय,
बेवहायनो आं रंजायो लोगोसे।
एखमबा गावदां जायो अखाफोर
एखमबा बियो खोमसियाव थाखोमायो-
दिनै रंजानाय गाबोन गाबनाय,
बेसेबांदि गेलेनाय आंनि जिउआव बिनि!
थेवबो थांनानै थानो लुबैयो बेबादिनो
मिनिनाय आरो गाबनायनि गेजेराव,
बेसेबा मिजिँ आरो सिमांजोँ-
आं लुबैयो बिरलांनो उदाङै
Feb 27, 2017
Feb 27, 2017 at 1:35 AM UTC
आं लुबैयो बिरलांनो उदाङै
गां फुवारना दाउसिनबादि उदां गोसोजोँ-
हिमालय हाजोनि थिखिनियाव,
बर'फजोँ बुंफबनाय खोला मेरुआव।
आं लुबैयो बिरलांनो उदाङै
जोबोद गोख्रै मेंनाय गैयैबादि-
सोरांजोँ बुंफबनाय गोजोनफुरियाव,
रिथि-रिथाव ग्रह-नक्षत्रनि रायजोआव।
मुलुगनि गासैखौबो गुमुर संदान्नानै
मुलुगनि गासैनोबो फोरमायना होनो-
आं गोसो जायो लैथोमा सानस्रिनो,
जोबोद रंजासुला ना जानानै।
सिमां बुंफबनाय आंनि गोरबो गंसे
जेसेबां हास्थायो एसेबांनो सिमां-
नाथाय मोकथांआव गां गैया आंहा,
उदां अखोरांआव एसेबां बिरदावनो।
लैथोमाजोँ बुंफबनाय गंसे मुलुग
होँगो-दोँगो रंजानायजोँ बुंफबनाय,
बेवहायनो आं रंजायो लोगोसे।
एखमबा गावदां जायो अखाफोर
एखमबा बियो खोमसियाव थाखोमायो-
दिनै रंजानाय गाबोन गाबनाय,
बेसेबांदि गेलेनाय आंनि जिउआव बिनि!
थेवबो थांनानै थानो लुबैयो बेबादिनो
मिनिनाय आरो गाबनायनि गेजेराव,
बेसेबा मिजिँ आरो सिमांजोँ-
आं लुबैयो बिरलांनो उदाङै
