kapayapaan paano mararanasan?
kung kapwa mo pilipino
tingin sayo kalaban
kada talikod mo
nagagawa kang pag-usapan
mga taong hanggang dun nalang
at di kayang masabi ng harapan

maituturing bang kapayapaan
ang pakikipaghatakan pababa at walang ibang
ginawa kundi mangialam sa buhay ng iba
mga taong nagsasabing "magpakatotoo ka lang." tapos huhusgahan ka nila?

mga literal na utak talangka
lalo na kayong dumadami, kailangan na ng bangka
maging maliit na "KITA" galing sa dugo't pawis pinupuna.
kailan kaya kayo mauuntog sa bato at sasabihing " ako'y natuto na."

Daig pa ang hukom kung manghusga
ubos ang salapi, sa kakapusta
sa mga kwentong nagpasalin salin sa bibig ng iba.
pati pagiging mapangmata,
ginawa ng katawa-tawa.

paano mo mararanasan ang nais **** kapayapaan?
kung ayaw **** iwanan dati
**** nakasanayan
niluluwa mo pati sarili **** bayan,
nagmamataas kahit wala pang napatunayan.

hayaan mo akong tulungan ka sa iyong kalagayan
pusong puno nang galit kailangan mo nang tigilan
Lawakan mo ang isip at iyong laliman na kahit 'magkakaiba man tayo ng pinanggalingan, ay iisa lang naman tayo ng bansang sinilangan'

ano nga ba ang iyong dulot
sa buhay kong unti-unting nalulukot
tunay bang naiibsan mo ang lungkot
at sa tuwing binabalot ng takot?

nais kong malaman ang rason kung bakit ka binabalik-balikan
sa tuyo't na mga labi parati kang nariyan
saad ko'y anong lasa nyan? tugon mo ay wag mo nang subukan'
kapalit nito ay kinabukasan na hindi mo batid kung muli mo pang masisilayan

tila dito ako dinala ng pagiging ma-usisa
karamihan pala ay dito nakakapag-isip ng malaya
kung paano mare-resulba ang mga pangyayaring di kaaya-aya
gayunpaman handa sa bawat gera at paulit-ulit na hinaharap ang panibago na umaga

simula noon' ay nagsilbi kanang sandalan sa laban na dumaraan
alam **** iisipin ng iba para lang ang kaastigan mo'y maragdagan
ano pa nga bang aasahan sa mundong madali kang mahusgahan
kahit di nila alam ang lubos na kadahilanan
pustahan pa tayong magpupustahan pa yan, kung bakit ka nagkaganyan

ngunit hindi na para isipin ang iisipin ng iba
marahil dyan ka dinala ng iyong mga dinadala
mabigat ba? ika'y magpahinga
ilagay sa pagitan ng labi ang mabisang pangkontra
at gawin **** upos ang di maubos na problema

Mata ay "dumilat"
Saklap sa "dumi" ay namulat
Hawak ang kwaderno't panulat
Maduming sistemang di na nakakagulat

Mahirap o mayaman, anong pinagkaiba?
Parehas na tao estado lang ang naiba
Pero sabi ng iba pantay lamang ang dalawa
Ngunit pag may kaya ang nag kasala wala nang kaso basta may kwarta

Masyadong inabuso, sinolo ang pwesto
Kapangyarihang hindi nagagamit ng tuwid at diretso
Pag tinutukan mo ng kamera magbabago't magmamano
Pag salat kahit wala pang warrant agad na arestado

Mabagal at di balanse na hustisya
Bumabase nalang sa kung sinong malaki ang kita
Ano na pambihira, utak lalo humihina
Tara na't halika, isambit mo ang mga di tamang nakikita

matagal ang paghihilom bago maging buo muli
magtiwala sa proseso wag magmadali
kailangan mo munang huminga at ngumiti
kahit minsan ang sarili ay nag kakatunggali

kinakausap ang sarili sa salamin
mga sablay kong ginawa na aking inaamin
hindi matutumbasan ng apat na ama namin
salitang masyadong malalim dahilan para tuklasin kung ano talaga ang ibig sabihin'

kung sakaling magkasalubong sa daan
wala akong pagsisisihan
labis pa kitang pasasalamatan
sa mga alaalang puno ng kasiyahan
dahil minsan din kitang tahanan

sa sarili humahanga
sapagkat nakaraan ay nagawa kong itama
buhay ay parang isang pelikula
hindi mawawala ang pagpapatawad
para ang sarili ay maging payapa

sa paglipas ng panahon
sa pag kupas ng kahapon
may taong nandyan para sayo,
kundi ang sarili mo

enerhiyang muntik nang maubos dahil sa pagkakagapos sa sarili kong isipan
nawalan ng interes sa mga bagay na dati saakin' ay nagbibigay kasiyahan
wala na ring maramdaman, kung sakaling mayroong lumisan
rekta konekta sa kalikasan at magbabakasakaling mabigat na pasan ay gumaan'

sanayan nalang talaga lumangoy sa sariling mga luha
hindi na para ibahagi pa, ayokong makaabala
huwag mag-alala na baka lumala, kaya to' ng saglit na pahinga
at sa muling pagkikita, nais ko ang yakap na mahigpit bilang pampagana

nahirapan akong tuklasin sa kung saan nga ba ako magaling
sinubukan ang lahat ng hindi ko pa kayang gawin at napansing dito nga pala lumalabas ang angking galing
ekspresyon na nanggagaling mula sa isip maging sa salita
mga damdaming ipinapahayag sa pamamagitan ng mga likhang tula

hanggang ngayon pinapalawak pa rin ang aking kakayahan
sumusubok sa mga bagay na hindi sigurado kung may patutunguhan
subalit wala naman masama kung iyong susubukan
sabi nga ng karamihan kung hindi ngayon, ay kailan?

buti nalang hindi naligaw sa pag-aakalang wala nang araw na matatanaw
unti-unti lang pala nawala para handa sa panibagong araw na nakakasilaw
lahat ay nagsisimula sa pagiging hilaw
huwag ka lang bumitaw ayos lang kung hindi mo pa saklaw balang araw makikita mo ang sarili **** bersyon na 'ikaw'.

ako'y bunga ng magkasintahang puno ng pagmamahalan
at nag pasyang ipasok sa mundong ating ginagalawan
siyam na buwan, dala sa tyan
nahihirapan at tila puputok na ang panubigan

halos iyong tiniis
upang mailabas lang ako
salamat at nandito nako sa bagong mundo
sana huwag ng tumigil ang oras ginto

bawat iyak ng sanggol
ay syang hindi matumbasang tuwa ng ina.
sapagkat may isang anghel
ang bumaba at ibinigay sakanya ng diyos ama

lumipas ang ilang taon
dose anyos palang ako non
kinailangan **** makipagsapalaran
sa ibang bansa na kung saan hindi mo naman sinilangan

para sa aming pangangailangan
hindi kana nag alinlangan
kahit na mabigat ang pasan
oportunidad nandyan hindi mo na natanggihan

aming naiintindihan
sapagkat kami'y may isip at malaki na
lungkot na aking naramdaman
nung ika'y papaalis na
at kitang kita ang pagpatak ng luha sa iyong mga mata

sa pag tapak sa bansang iyong tinahak
salubong sayo ay malamig na hangin
masakit sa damdamin pero ginawa mo ito para samin
palagi ka namin isasama sa aming panalangin
salamat sa mga padala upang may ihain na pagkain

hirap at lungkot iyong dinaranas
sa gabi ay lumuluha, kumot ang nagsilbing pamunas
halos ulam mo nalang ay tuyo't sardinas
para may mapadala sa pamilya **** nasa pilipinas

kahit magkasakit sa amo tahanan
hindi ka sumuko at tinuloy mo parin ang laban
pagod at hirap merong hangganan
lahat ng ito ay malalampasan sa pamamagitan ng iyong sandata
sandata na tinatawag **** "pamilya".