Whoa.

See that yin?
Jist sittin there?
Ye ken how she’s sittin like that, don’t ye?
Well, whit’s she sittin oan?
Aye, her erse.
She’s only sittin like that
So ye ken she’s got an erse.
Gaggin fir it.

An whoa, check that yin!
Wearin claes!
Filthy cow!
Whit dae ye mean, “Whit dae ah mean”?
Claes!
Ye canny wear claes
If ye huvny got a boady, can ye?
That’s right –
Just screamin it, so she is –
“Check oot ma boady!”

Aye, ah wull an aw!
Don’t mind if ah dae!

Aw, mate – that yin!
That yin ower there!
Bendin her airm!
See her?
Bendin her airm like a mucky ****!
That’s so ye ken
She’s got elbows!
Phwoar, I ken your type hen –
you wi yir elbows an a’thin!
Desperate fur it, aren’t ye?

An man!  This yin,
walkin towards us!
Breathin in an oot!
Whit a slapper!
Breathin in an oot!
Aye, ye need a pair o lungs tae dae that,
I bet, eh, hen?
A pair o fine, functioning lungs!
Aye, you use them, doll –
dinny you be shy!
Ah’m no!

Aw pal, haud me back!
This yin!
This yin eatin a meat pie!
Shameless wee ****!
Aw yeah, baby,
I ken whit that means!
Mean’s ye’ve got yirsel
a **** wee digestive tract in there, no?
Ye dinny hae tae spell it oot tae me, love!
Probably got a pair o kidneys
tucked away in there too,
ye ***** wee *****!

Aw the same, ur they no?
Aw ae thum.
Gantin oan it.