के छ र भनी बाकीँ, मेरो सामु आई उभिन्छौ
मेरो मन रेटेर, भएभरको माया निचोरेर
थोपा थोपा सबै चुहाईकन
मेरो दिल तोड्ने अनुहार बोकेर
किन फेरि के खोज्न आईपुग्यौ?
तिमी मन पर्न छाडेको जुग भईसक्यो।

ती दिन सब भुलिसके
जब तिमी मलाई अप्सरा लाग्ने गर्दथ्यो
तिम्रो आवाज मात्र सुनेनी मेरो पेट भर्दथ्यो
डाईटिङ् साईटिङ पनि गर्न छोड्यौ कि कसो
बोली नि के भा' हो कोरेको चक्का जस्तो
तिमी मन पर्न छाडेको जुग भईसक्यो।

नाम तिम्रो रिता कि गीता नि बिर्सिसके
खासमा त तिमीलाई म चिन्दैचिन्दिन
अब जति बाटो छेके नि छेक
नेपाल बन्द चक्काजाम जे गरे नि गर
अनसन बसे नि तिमीलाई बाल दिन्न
तिमी मनपर्न छोडेको जुग भईसक्यो।