तेज सडकमा कुदिरहेको छु
यत्रतत्र छरप्रस्त लासहरु छरिएको म देख्छु
यहाँ कुकुरहरु मरिरहेका छन्

कुकुरको लासको के मोल?
तिमी सोधौला मलाई
मलाई नसोध, समय बिती रहेछ
मोल गरिहाल,लासको लिलामी चलिरहेछ
यहाँ कुकुरहरु मरिरहेका छन्

दाहसंस्कारको संस्कार छोड अब
कुहिएको लासकै भाउ बढिरहेछ
त्यो दुर्गन्धले व्यापार फस्टाइरहेछ
भुक्नेको खर्च जोगिरहेछ
जता ततै लास बिकीरहेको छ यहाँ
यहाँ कुकुर हरु मरिरहेका छन्

घाँसको कुरा नगर तिमी
भोलीको लागि नकुर तिमी
अरे! भेडा पनि मास मै रमाइरहेका छन्
यहाँ कुकुरहरु मरिरहेका छन्

सासलाई लासलाई घेरिरहेछ
यो चिहानमा जिन्दगी मेटिदैछ
न यहाँ कोहि जिउदोँ छ
न कोहि यहाँ बाचिरहेछ
केवल लास छ, लासै लास छ
यहाँ कुकुरहरु मरिरहेका छन्

यो चिहान रमाइलो छ
मरणमा नै जीवन रमाइरहेछ