nu maburak man iti utek ko
a kas daga nga madin maiporma,
makita iti panunotko nga pudno
nga agtintinek panggep kenka.
isu nu damagem, a kasatnun tu
iti lubong nu kaspangarigan
nga mapukaw ka,
maikarik kaddua iti isem ken sirib ko
nga ibagak: agbiagak latta.

agbiag a situtured, agbiag a siraragsak
agbiag a siririkna, agbiag a sipapateg
agbiagak latta, agbiagak latta
agbiag a situtured, agbiag a
siraragsak. agbiag a siririkna. agbiag a
sipapateg. agbiagak latta
a kas mangiladladingit
iti pannakapusay iti ayat.
agbiagak latta ngem
inggana turpos lubong nga
kumla adda iti sarsarakek.

isu nga iyadadayo ni apo…
madik idawdawat…
ikatok ko iti kayo
(maminsan o maminpulo)
nga haan ka kuma
mapukpukaw.