Isipin mo
Sasagot ba ako ng “oo”?
“Anong ibig sabihin n’un?”
‘Wag na lang kung ganun.
Kung iisipin mo
“tungkol ba kanino ang mga tulang ito?”,
mag-iisip ka hanggang sa araw ng libing ko.
Kaya’t wag mo nang isipin pa
dahil hindi sasambitin kahit ako’y ibitay,
kahit sunugin pa nila itong mga tula,
silaban man nila pati ang dagat!
Kaya’t wag nang kaliskisan pa
dahil hindi isisiwalat at isasatinig
dahil hindi magkakasya sa mga patinig
lahat ng damdaming nilalaman ng dibdib!