Kung madatnan mo man ako na umiiyak huwag mo sana akong tanungin kung ano'ng problema, bagkus ay hayaan mo lang ako at kung sa kagustuhan mo hindi ko rin mamasamain ang pagtabi mo sa‘kin. Hindi kasi ako marunong magkuwento, hindi ko pa nasubukang maging bukas para malaman ng iba ang mga pinagdaanan ko. Nakasanayan ko na kasing magkimkim kahit mabigat na sa damdamin.

Kaya kung makita mo man akong luhaan, hayaan mo 'ko, huwag ka sanang mangusisa dahil kung gusto ko nang magkuwento tatakbo agad ako sa‘yo.