तिमी देखिनु
तिमीलाई हेर्नु
मुस्कुराउनु
अनि
दुई शब्द बोल्नु
औ प चा रि क ता।।

निस्सासिन्छु म हाम्रो औपचारिकताले
एकैछिनको त्यो औपचारिकता
अनि कैयोँ दिनको पिडाले
आत्मियता, चाहन्छु म।
के तिमी चाहन्दैनौ र?

चिसो रातमा जलेको छाती
सितल बानाउने वायु माधुर्यता
सिरेतोले पोलेको मुटु
न्यानो  पार्ने पहिलो घाम
हो, त्यस्तै आत्मियता
तिमी चाहन्दैनौ र?

पहिलो भेट,
पहिलो मुस्कान,
पहिलो कुराकानी,
अनि पहिलो हासोँ,
हो, त्यहि आत्मियता।

हराएको
लुकाइएको
गुम्साइएको
नदेखाइएको
त्यो प्रथम आत्मियता
फेरि, एकपटक खोज्दछु म


पहिलो भेट देखिको
हाम्रो सामिप्यता --- अब
केवल औपचारिकतामा सिमित
हाम्रो क्रितीम आत्मियता
तिमीलाई भारी लाग्दैन?

निस्फक्रि, भयरहित
रसिलो, रमाइलो
पुरानो, ठत्यौली
मित्रताको अत्मियता

आत्मियता, चाहन्छु म।
के तिमी चाहन्दैनौ र?