म आउनेछु
म आउदा ठुलो प्रलय आउनेछ - भित्र
डढेलो लाग्नेछ मनमा
अनि बाहिर -- शान्त हुनेछ
कहालीलाग्दो, उराठलाग्दो, डरलाग्दो
म बाजा बाजाएर आउदिन
म केहि हल्ला गर्दिन
म आउनेछु
र चिर्नेछु, चिर्र---चिर्र!
करौटिले काठ चिरेसरी
तँलाई, तिमीलाई, तपाईँलाई अनि हजुरलाई
दुख्ला तर आँशु कस्ले देख्ला?
रगत कमै बग्ला
बगेपनि मलम कल्ले लगाइदेला?
म आउँदा अरु को होला र
कोइ नभएर त आए म!
म आउनेछु
हास्नेछु-- भित्र
ढ्यांरो ठोकेर चिच्याउनेछु
बाहिरी मौनतामा रमाउनेछु
पागल बनाउनेछु
डढेलो लाग्नेछ मनमा
मुटु त यसै छिया छिया भैसक्यो
म जालाउनेछु
म तिम्रो सपना धुवाँ बनाउनेछु
म खरानी बनाइदिनेछु आकाँक्षा
म रमाउछु एकान्तमा
म हास्छु दु:खमा
म, एक्लोपना!