თავისუფლების მოყვარულ მტრედს ჰგავს-
ფრენისგან დაღლილს სიო რომ ართობს,
სხვაგან გაქცეულ მუზას რომ დასდევს
და ძველ სტროფებსაც არა და არ თმობს.

არწივს მაგონებს, შუაკაცს, მეფეს,
როცა შეჰყურებს მწვერვალებს მაღალს,
რომ გადაიფრენს ამაყად ველებს-
გულის ჭრილობას მედგრად რომ მალავს...

თავისუფლების მოყვარულ გმირს ჰგავს-
ბრძოლისგან დაღლილს იმედი ათრობს,
სხვაგან გაქცეულ სტროფებს რომ დასდევს
და ძველ მუზასაც არა და არ თმობს.