اكتب ورايا واحفظ
اكتب لأجل ما في يوم يمكن تنضف
اكتب لأجل الميتين والصاحيين
اكتب حروف اسمي بعد شرطة أو كمين
اكتب وسرخ في القلم عشان هيطفح
اكتب في ضهر الورقة بعد ما تسرح
اكتب في الغلاف
وتحت العنوان
بس اكنس قبل ماتمسح
اكتب كتر كلام
وعلى نفسك موت
لكن قبل ما تفرح
اكتب معاهده ولا اقلك سلام
اكتب تاريخ الموظفين
شخبط على كلمة شقيانين
قطع ورقة الموهومين
زود كمان مبسوطين
شكل حروف كلمة فرحانين
حط خط اتنين
تحت كلمة دفيانين
احرق ورق صفحات السقعانين
حط منديلك علامة وقف
لأجل شطر الإخوة
أصحاب الملايين
وزقطط وهيص شرط تلعب كمان
خلاص براءة مش هنروح الليمان
ربع ساعة راح تفرق قبل بداية الختام
كفاية انا مش هقول وداع او سلام
روحي ممكن تطلع قبل ختم المدام
طب مش عايز أفلام
كفاية أبص على كلمه تمام
هدندن في الحر كلمة شجاع أو همام
وهمسح بمنديلي بوز الجزمة الي نام
ويمكن اولع صوابعي وانفخ
مش ضامن هيطلع دخان يمكن اوهام
طب تحب نتعرف
اهوه نتكلم
أصل محسوبك علام
علام الي طول عمره غلام
علام الي بيدفي ايده عالرخام
علام الي نايم على أسعد أنغام
علام الي بيزع جدور الحكام
علام الي كتب مسرحية طير اليمام
.اكتب ايه ولا ايه اهيه أيام