Nung nakilala kita ligaya'y umapaw
Di maitago ngiti sa araw-araw
Bawat pag-uusap natin ay damang-dama
Puso'y sumisigaw sa tuwing ika'y kasama

Walang oras na di kita inisip
Tila di na nais pang maidlip
Ngunit napagtanto kong ako'y mali
Nang malaman kong di ako ang napili

Pag-ibig mo'y laan sa nakaraan
Di sakin na nasa iyong harapan
Lungkot at sakit pumalit sa saya
Nung panahong ika'y aking naging akala.