પધારો પિયા

સૂકી ધરા જોઈ આકાશને, કરે પુકાર દર્દનાક

ગર્મી ના પારા ચઢી રહ્યા છે; તાપમાન છે ખતરનાક.

સૂર્યના તાપ માં ભસ્મ થઈ રહી છું, ભયાનક છે આગ

મુરઝાઇ રહ્યાં છે મારા ખેતરો, વાડીઓ ને બાગ

બળી રહી છું હું; ગરમી પડી રહી છે સખત

પધારો પિયા, બનાવો નવોઢા મને, ફરી એક વખત.

લીલી ચુંદડી, ફૂલોવાલી પેહરી, લેહરાવું છે એક વખત ફરી

વીજળી અને ગર્જના આપશે સંકેત; હું એનાથી કદી નથી ડરી.

બસ પ્યાસ મારી બુઝાવી, કરો મને હરીભરી, ખુશ્બુદાર.

આનંદ, ફેલાય; નદી નાળા છલકાય મારા, આરપાર.

કોયલ મીઠું મીઠું ટહુકે, મોર થનગની, ઝૂમીને નાચે

હર કોઈ, માનવ, પશુ, પંખીડા, વૃક્ષ, સુખમાં રાચે.

Armin Dutia Motashaw