kay tagal ko ng naglalakbay
paikot ikot
di wari
kung saan ang tamang tungo
dulot ng matinding ngalay
ang aking mga nagbubutil na pawis
patuloy na dumadaloy sa aking pisngi
ngunit tila ang aking mga panunuyo ay iyong pinagsasawalang bahala

tuwing sasapit ang dapit hapon
tumatanaw ako sa mga ulap at tala
aking minimithi at pinakahihiling kay Bathala
ay iyong makamit ang kaligayahan at kalayaan
pagkat lubos kitang iniibig
nais kong pakawalan at ipasantabi
ang aking makasariling damdamin

sinta ko, kung hindi ka liligaya sa aking piling
marahil ay hindi na ako ang inaasam ng iyong puso

walang humpay at tila walang katapusan
ang sakit na mawalay ka sakin
ngunit may mga bagay na wala tayong kontrol

mismong
tadhana ang nagdikta
ngunit hindi ko magawang makapagpaalam