Alam mo ba, ang sabi sakin ng iba ang tanga  ko talaga.
Pero hindi ko sila pinapakinggan kasi, alam ko may pag-asa pa.
May pag-asa pa para ibigin mo ako gaya ng pag-ibig na ibinibigay ko sayo.
Kaya pa, hindi ako susuko hangga't kaya ko pa kasi alam kong hindi pa ako talo.

Ikaw lang ata nagpapangiti sakin na parang wala na ang langit dahil sa taas ng aking labi.
Ikaw lang ata ang nagpapaiyak sakin na parang wala na ang mga ulan dahil sa tulo ng aking luha tuwing gabi.
Ikaw lang ata ang dahilan ng pagkatalo at pagkapanalo ko sa bawat paligsahan na aking nilalaro.
Ikaw lang ata ang mamahalin ko ng higit pa sa pagmamahal na ibibigay mo.

Pero hindi ko alam kung may maibibigay ka nga ba sakin o sadyang umaasa lang ako sa salitang tayo.
Tayo na ako lang ang nakakaalam at hindi mo alam ang aking inaasam.
Kaya kitang ipaglaban kanino man.
Pero ang tanong kaya mo rin ba akong ipaglaban gayung hindi mo nga ako mahal?

Sa larong ito, dalawa lamang ang pagpipilian mo.
Ang salitang talo o tayo.
Kung pipiliin mo man ang tayo hindi ka matatalo.
Pero kung gusto **** matalo, doon rin ako, para sa dulo meron pa ring salitang tayo.