सिखारनाय एमनि उनाव
गोसोआ गोजान जायो
फरायसालि,फरायसालिमा,माख'बायदिनि
गामाखालिनि बादि हांखुर जाय
दिनैनि सानाव।


उन्दै उन्दै गथ'फोर
रंजायो खारदिङो फोथार गामि दुब्लि
जोबथेजानाय फानजारिनि दाउ
उदाङै बिरनाय बादि।
गावनि मावनां हाबाखौ दान्दिसे दोन्थ'ना।


गासै सुबुंआनो दिनै
गावनि मासिखौ एंगारथ'ना
जिरायथ'दों दिनै गोदान मासियाव दान्दिसे
दिनैनि बे उदांसार सानाव।


आंबो दिनै बावगारदों मुगासे
उन्दै गथ'फोरजों रंजाफादों गोसो हगारसारना
जिउनि बुब्लि दान्दिसे खुसि बोन्थुमना।