आं फोथाइया
राजखान्थिखौ फोथाइनो
आंहा गोसो गैया
राजखान्थिजों नेवसिजानो
आंहा एसेबो गोसो गैया
राजखान्थिजों गेजेन जाना
आं एसे जिरायना थानो लुबैया।
खुगा दं बुंगोन
मेगन दं नायगोन
आखाइ दं लिरगोन
आथिं दं गाग्रोमगोन।
राजखान्थिगिरिफोरानो खुगा फारब्रै फारबा गोनां
राजखान्थिगिरिफोरानो मेगन थाइसे खना
जानांगौ मेगना थारैनो खाना नङा
बेयो बिसोरनि फावसो
बिसोर दफा मुफा राव बुङो।
गद गैयै राव बुंना
फोरजाफोरखौ खुसि गोजोन गैयै खालामो
बिसोर थगायसुला।