उफ्ले उफ्ले गोजोमबोनाय
गोजाम हाद्रिखौ नागारना
आखायाव आसान सांखा
खाफालाव गोजा निस्थार
सिन्दुरनि फोथा लाना
दखना थावसिजों
गावदां गोदान महर लाना
बिरबोनाङो गोदान हाजों
गोरोबनो।
जोनोमनि उननि माखासे
गोजाम बिथिंखौ नागारना।
गोदान संसार जुरिनो
गोदान आगान होफैयो
गोदान न'खर।
गोरोबथि रादाय
सोलोंनो ओंखारनांफिनो।
रैरुब संसारनि राव
बिथा खालामना उन्दुयो।
मिजिंनि फिथाइ
बेयावबो सोलायो।