Submit your work, meet writers and drop the ads. Become a member
Salguri Feb 2016
हिन्जाव गोदान महरै लाबोनो सान्दोँमोन आं
नोँखौनो आंनि राज अनदराव।
हिन्जाव गोदान महरै लाबोगौमोन आं
नोँखौनो गोरबोनि रानि बानायनो।

नाथाय! नोँ नंखाय सानबाय
नोँ फोथाय खेबससो खालामलांबाय
आंनि साननाय हासथायनाया सिमांसो जाबाय।
हिनजाव गोदान महरै लाबोगौमोन नोँखौनो
नाथाय! बारदै सिखोला जाना बुखारजाबाय
साननाय हासथायनाया सिमां जाबाय।
जेब्ला नोँ जुलिनि अनदबआव जिरायगोन
नोँनि अनदबाव आं थांगोन निमन्ट्र
महरै होनो आंहा जेबो गैया बेसमाव
आंनि जिउखौनो दान होगोन।
(written by Saviyor Basumatary
17/04/2015)
Spot Writing Competition (Org. by- Salguri Laimwn Afad)
उफ्ले उफ्ले गोजोमबोनाय
गोजाम हाद्रिखौ नागारना
आखायाव आसान सांखा
खाफालाव गोजा निस्थार
सिन्दुरनि फोथा लाना
दखना थावसिजों
गावदां गोदान महर लाना
बिरबोनाङो गोदान हाजों
गोरोबनो।
जोनोमनि उननि माखासे
गोजाम बिथिंखौ नागारना।
गोदान संसार जुरिनो
गोदान आगान होफैयो
गोदान न'खर।
गोरोबथि रादाय
सोलोंनो ओंखारनांफिनो।
रैरुब संसारनि राव
बिथा खालामना उन्दुयो।
मिजिंनि फिथाइ
बेयावबो सोलायो।
Ronjoy Brahma Sep 2015
बे बाराव फाथो दांनायाव
लरग'नि आखाया बौदोँ।
फिसायजोँ हाखु-दाखु
बोरमा दारि नागिरनो थिनजानायाव
गामि फारसे खारलांदोँ बियो सिमालिया
दखना जोगथोँ जोगथोँ।
शहरनि हिनजाव गोदान बेसारा-
बेनि उनाव बेनाव सोँबाय हैदोँ-
" बोरमा दारि दं नामाबाल आब',
बाजै, आयै?"
बायदि सोमोन्दो लायै लायै।
सिबाय मोनमारदिया बियो बोरमा दारिखौ!!
फाथो दांनो समा बारग'लांनायाव
लरग'आ रागा दिउ दिउ।
15/09/2015

— The End —