"Ako'y alipin mo kahit hindi batid",
Kinakanta ng puso ng pasambit,
Kinakanta ng puso kahit masakit,
Pinipiling ihimlo kahit hindi rinig.

Sa bawat kanta na binibitaw ng bibig,
Pinapakita na ikaw ang tanging iniibig.
Sa bawat linya na kinakanta ng bibig,
Makikita na tanging ikaw lang ang hinibig.

Takot man ang bumalot,
Tiwala sa Diyos ang aking baon.
Sa bawat pagsubok na nadaan,
Nakakahanap parin ng paraan.

kaaway ay handang mahalin,
Sapagkat pagmamahal ang nais pairalin.
Sa bigat at problemang pasan ng puso,
Dinadala nalang sa mga biro.

Kahit madami ang mga pangyayari,
Pananalig ay tumitibay sa bawat sandali.
Anumang pagsubok ay sumapit sa aking tabi,
Diyos pa rin ang gabay sa landas na tinatahi.

Sa liwanag ng buwan,
Natatanaw ko ang ningning,
Ang ganda **** di matakpan,
Parang isang dakilang sining.

Malayo man bago marating,
Hindi ako magpapapigil,
Puso kong wagas at tapat,
Patuloy ika'y sinusulat.

At kahit may mga hadlang,
Hindi ito mawawala;
Pag-ibig kong di magpapapigil,
Pagmamahal na di masusupil.

Hindi ko alam kung bakit,
pero sa bawat tingin, ako’y naakit.
Hindi mapigilan ang pusong tumibok,
kasabay ng kanta, aking hinihimig.

Napagtantong mahal kita,
ngunit natatakot sa posibilidad na mawala ka
sa piling ko na aking iniingatan,
iniingatan kahit masakit maramdaman.

Ito’y tulang sinulat ko para sa’yo,
tulang karapat-dapat para sa isang anghel.
Malaman mo sana ang nararamdaman ko’y totoo,
sapagkat ika’y reyna ng aking puso.

Imaheng nakikita sa salamin,
Nauukit ang itsurang ayaw kong kilalanin,
itsura'y tila ba hindi maipinta,
itsurang pilit tinatabingan ng ngiti sa mukha.

Sa bawat tampok ng aking itsura,
Pumapasok ang pagiging dismiyado,
Sa salamin, sarili’y di makilala,
Sa isip, laging may tinatagong anino.