You can't be serious,
Look at your shadow
breaking all barriers
And filling my marrow.
It's so misterious.
I feel you from far.
Gain on me
Gain on me

რა დროს ღიმილი - დღეს პერანგი დაიხა გულის
და შემოიჭრა უგულოთა ქაოსი უმალ,
ვის დავაბრალო, რომ ქუჩაში გრიგალი ღმუის
და ყველა იმედს გადაგზავნას უპირებს უკან?!

მზე გაჰყოლია შენი თვალის კამკამა დისკოს,
დრომ  გადმომჭიმა მაგისტრალად - გადამიარე!
დღეს საყვარელო ერთი რამ გვაქს მხოლოდ საერთო -
ორივეს სარკმელს მიბანტული ზამბახა მთვარე.

დილით მზე დამწვავს მეგობრობის, ღამით - ამური,
რა საამურად აუკინძავს მთვარეს წყვდიადი.
გული დამემტვრა - კერამიკის ვარ უცნაური,
ყველამ ჩემს მხრებზე დაისვენა...
                                                     ­                                                     ­           გადატრიალდით!

ჭურჭლის ჟელეა ოკეანეს რომ ააქაფებს?!
იქნებ კვამლია ონკანიდან დღეს სიმარტოვე?!
ნუ მიმატოვებთ! ბოლო თეფშიც და დავამთავრებ,
საწმენდი ღრუბლის ნაპრალებში ნუ მიმატოვებთ!

რად მიმათხოვეთ მე რუტინის გაცრეცილ კუთხეს?!
თუ დღეს დავიწვი - მომავალი დანამულია?!
დარაზულია ყველა კარი - გავაღებ ფურცელს,
წერილს მოგწერდი, მაგრამ ფოსტა დანაღმულია.

დილით მზე დამწვავს მეგობრობის, ღამით - ამური,
რა საამურად აუკინძავს მთვარეს წყვდიადი.
გული დამემტვრა - კერამიკის ვარ უცნაური,
ყველამ ჩემს მხრებზე დაისვენა...
                                                     ­                                                     
        გადატრიალდით!