Mga daliri’y nanginginig

Aking mga labi’y sumisigaw ngunit walang tinig

Buong katawan niyayakap na ng lamig

Nang siya’y tumalikod para bang walang naririnig

Kailan kaya matutunaw,

Singlamig ng yelo, mga matang aking natatanaw

Kahit ganoon, isang bagay parin saki’y malinaw

Oo, puso ko’y iyong nabihag at paulit-ulit na ninanakaw

Sa mga nasisilip na bihirang ngiti mula saiyo

Ako’y mapapangiti, tatawa parang baliw ng totoo

Minsan ngiti mo’y kasing init ng araw

Ngunit tuwing ika’y nalulumbay, o luha ko’y umaapaw-apaw

Lubusang nagugulumihanan, nakakabaliw

Bakit itong nararamdaman ni minsan di nagmaliw

Paulit-ulit na binubulong sa sarili walang pag-asa

Ngunit sa loob looban di maiwasang patuloy na umaasa

Tinig ng puso ko’y hinding hindi mo napapansin

Di bale patuloy kang mamahalin ng palihim ng aking damdamin

Hihintayin ko ang pagtunaw ng yelo lumipas

Kahit abutin ng walang hanggan ang lamig ng pag-ibig na dinaranas

Yung babaeng papagwapuhin ka
Sa pagpapagupit kasama mo siya
Makikipagkwentuhan ng walang sawa
Tatawa ng walang pake sa iba

Yung mga ngiti pa lang matutunaw ka na
Buhok pa lang mabibighani ka na
Mukha niya ay ubod ng ganda
Wala ng hahanapin pa.

sa bawat araw at gabi na pamamalagi ko sa mundong ibabaw
ikaw ang aking nasa puso at isipan
pagmamahal ko'y hindi matutunaw
katulad ng mga bato sa dalampasigan
hampasin man ng malakas na alon
nananatili pa ring nakasabog sa gilid ng karagatan
parang ako lang 'yan
kahit iyong pinagtutulakan, mananatili na buo at matatag
ang pag-ibig na nararamdaman