"bachpan" poems
Nikle to hum bhi the ghar se yahi soch kar ki shayad is bar manzil tak pahuch jayenge,
kyunki daudna to unhone hume bachpan mein hi sikha diya tha yeh kehkar,
ki agar nahin bhagoge to woh tumhe peeche chod jayenge.
Daudne ki kuch aisi adat se ** gayi hai ki pair ab rukne ka nam hi nahin lete,
lekin hume kya pata tha ki itna age nikal ane se, apne hi paraye,
aur woh sabhi raste anjane se ** jayenge.
Sabse door rehte hue bhi, in anjanon ki bheed mein woh ek chehra apna sa lagta tha,
lekin woh bhi hamesha kisi aur chehre ki talash mein rehta tha.
Sahi raste ko dhoondhne nikle to the, magar yeh nahin pata tha ki itni jaldi thak jayenge.
Kabhi kabhi to lagta hai ki ab ruk jana chahiye, thoda aram kar lena chahiye,
lekin woh bhi namumkin lagta hai kyunki, ab to sapne bhi ajeeb se ate hain.
Chalte chalte, wade to kafi kiye the is safar mein, kuch unse, kuch apne ap se,
lekin yeh andaza bhi nahin tha ki un sabhi umeedon par pani ferte hue chale jayenge.
Yeh mehsoos bhi nahin hua ki apne hi apnon ke pankh kat chuke the,
talash thi to bas us kandhe ki jo is ladkhadate hue ko sahara de sake.
Fir bhi, dheere dheere is katon ki chadar par age badna hai, dil yahi kehta rehta hai,
kyunki jhoothi hansi ki kuch aisi adat si ** gayi hai, ki ab chahte hue bhi dard ka ehsas nahin hota hai.
Mar 24, 2011
Mar 24, 2011 at 6:01 AM UTC
Meri aankho ka tara hi , mujhe aankhe dikhata hai
Jise har ek khushi de di , wo har gam se milata hai
Jubaa se kuch kahu , kaise kahu , kisse kahu maa hu
Sikhaya bolna jisko , wo chup rahna sikhata hai ||
Sula kar soti thi jisko
Wo ab shab bhar jagata hai
Sunai loria jisko , wo ab taane sunata hai ||
Sikhane me usse kya kuch kami meri rahi sochu
Jise ginti sikhayi galtiya meri ginata hai ||
Tu gahri chao hai gar zindgi ek dhoop hai Amma
Dhara pr kab kaha tujh sa koi swaroop hai Amma
Agar ishwar kahi par hai usse dekha kaha kisne
Dhaa par tu hi ishwar ka koi roop hai Amma ||
Naa ucchai sacchi hai naa ye aadhar saccha hai
Maa koi cheej sacchi hai naa ye sansaar saccha hai
Magar dharti se ambar tak yugo se log kahte hai
Agar saccha hai kuch jag me to Maa ka pyar saccha hai ||
Jara saa der hone par sabhi se puchti Amma
Palak jhapke bina darwaja ghar ka taakti Amma
Har ek aahat par uska chouk padna fir duaa dena
Mere ghar laut aane tak barabar jaagati Amma ||
**|| Puchta hai Koi Dunia me Mohabbat hai kaha
Muskura deta hu mai or yaad aa jati hai Maa ||**
Sulane ke lie mujhko to khud jaagi rahi amma
Sirrhane der tak aksar meri baithi rahi amma
Mere sapno me pariya phul titli bhi tabhi tak the
Mujhe aanchal me apne le ke jab leti rahi amma ||
Badi choti rakam se ghar chalana jaanti thi maa
Kami thi par badi khusiya lutana jaanti thi maa
Mai khushhaali me bhi rishto me bas duri bana paya
Garibi me bhi har rishta nibhana jaanti thi maa
Laga bachpan me yu andhera hi mukaddar hai
Magar maa hausala dekar yu boli tumko kya dar hai
Koi aage niklne ke lie rashta nahi dega
Mere baccho badho aage tumhare saath hai amma
Kisi ke jakhm ye dunia to ab silti nahi amma
Kali dil me ab to preet ki khilti nahi amma
Mai apanapan hi akshar dhundta rahta hu rishto me
Teri nischal si mamta to kahi milti nahi amma
Gamo ki bheed me jisne hume hasna sikhaya tha
Wo jiske dam se tufanoo ne apna sar jhukaya tha
Kisi v julm ke aage kabhi jhukna nahi bete
Sitam ki ummr choti hai mujhe maa ne sikhaya tha || ||
Feb 17, 2017
Feb 17, 2017 at 12:39 AM UTC
Hey Suraj itna yaad rahe
Sankat ek Suraj Vansh pe hai
Lanka ke neech Raahu dwara
Aaghat Dinesh Vansh pe hai
Mere aane se pahle yadi
Kirno ka Chamatkar hoga
To Surya Vansh me Suryadev
Nischit hi Andhkar hoga
Islie chipe rahna Bhagwan
Jab tak naa Jaddi Pahuncha du mai
Bas tabhi Prakat hona Dinkar
Jab sankat dasha mita du mai
Aasha hai swarth Prarthna ye
Sacche jee se Swikaaroge
Aatur ki Praan Awastha ko
Hokar karunardh Niharoge
Anyatha chhama karna Dinkar
Anjani tabay se paala hai
**Bachpan se jaan rahe ** tum
Hanumat kitna Matwala hai**
Mukh me tumko dhar rakhne ka
Fir wahi krur saadhak hoga
Bandi fir mochak tab hoga
Jab Lakshman ka dukh mochan hoga
Oct 11, 2015
Oct 11, 2015 at 3:49 AM UTC
Payal ki chaan-chaan se chaanke
khanke ban kangan
oos ki bunde hai hum ladki
man hai ek darpan,
Humse hai ghar baar tumhara
humse hai aangan
oos ki bunde hai hum ladki
maan hai ek darpan,
Ladke hai wo prem ki jisme
hum tasweer sajaate
Haatho ki khalirekhao par
hum kishmat ban jaate
Humshe mahkata hai bachpan
aur sajta hai yowwan
oos ki bunde hai hum................
.........................................darpan
Kabhi geet hai kabhi gajal hai
aur kabhi angaar
Hum khubi se nibha rahe hai
apne sab kirdaar,
Chand sitare choo aaye hum
tood ke har bandhan
oos ki bunde..........
....................dhadkan
Hum hi wo maa hai jisne
iss dunia ko hai banaya
Patni Bhabhi Bahna Beti
ke rishto se hai sajaaya
Mat raundoo hum kalio ko
Mit jaayega Uppwan
oos ki bunde hai hum ladki
maan hai ek darpan....
(DEDICATED TO EVERY GIRL)
Feb 5, 2015
Feb 5, 2015 at 9:40 AM UTC
Shaam ki sardi mein
Jab ghar se hum nikle,
Mast kuch bachchon ne yaad dilaya The hum bhi kitne befikre.
Beet gaya aane se pehle,
Waqt kisi ka na hua.
Bachpan le gaya sang apne,
Phir aaye mudke hai yehi dua.
Kashtiyan kagaz ki banake
Chalate the paani mein,
Yehi nahi baarishon mein ghoomne Nikalte the apni cycle pe.
Baarish ka anand nahi,
Toofanon se darte hain ab,
Woh din bhi kya din the
Jab apne se lagte the sab.
Kahaniyan sunke khud ko
Doobate us duniya mein,
Na jhooth, na dikhava,
Na dhokha tha usmein.
Dil mein thi ek bekarari hamesha, rehta tha khushi ka intezaar,
Ab hai yakin kismat pe apni,
Kabhi na lautenge ab woh din raat.
Jan 8, 2016
Jan 8, 2016 at 10:24 AM UTC
Barsat ki Ek raat dil ne dimag se pucha, jo Badal raha wo 'waqt' hai?
waqt to Aaj bhi waisa he hai bachpan me jaisa hota tha wohi savera wahi sham Or baki cheeje tamam
Par tab naa bhigne se lagta tha darr or naa sardi jukam,
or wo pani ki shrarate tamam
Jinki Yaad bhar se aa jati hai hothon pe muskan
par ab aisa kya hua jivan ki iss Dagar me
kahan bhatak gaya in jhuthe rit riwazo me
Kaise jivan ke Arth badalte gaye
Kyo ek funny poem likhne wale
Emotional likhne pe majboor ** gaye
Hawa k jharoko se kashti hilti gayi
waqt k sath mein tau badlta gaya
aur yeh zindagi chalti rahi
pal pal nayi hasratein
har pal naye khwab bunti gayi
aur yeh zindagi chalti gayi
raah mein manzar tau bahut aaye
bulate rahe mujhe mere saaye
mein tau ek pal ko ruk sa gaya
par yeh zindagi chalti gayi
yaadon k saaye mein zinda *** abhi
lagta hai tham sa gay *** mein kahin
par zindagi bewafa sanam si nikli
mein tau ruka reh gaya aur yeh chalti gayi
jindagi har pal apne arth badalti rahi
ham hanste rahe chahhe rote rahe
par woh apni rafataar se bas behati rahi
kabhi ban ke sawal ,kabhi ban ke utar
woh hame har mod per milti rahi
ham tutate rahe, bikharate rahe
fir khud hi gir ke sambhalte rahe
aur jindagi yun hi jalti bhujhati rahi
gum mile kuch is tarah ki gum hi gum na lage
khushiyuon ki baat bhi hame gum ban ke milti rahi
kya kare kisi se shikva, kya kare kisi se shikayat
apne hi jab todate rahe......
toh saans meri har pal ghutati rahi
bas jindagi yuh hi chalti rahi
har pal apne arth badalati rahi
Jun 6, 2018
Jun 6, 2018 at 1:35 PM UTC
Ek metro, saanp si guzar rahi hai kuch duur
Ek nabh faila hai uske upar - Neela sa kaala
Ek chaand chamak raha hai uss nabh mein
Kuch baadal sarak rahe hain paas mein uske
Usi metro ki tarah par dheere zara
Thandi hawayei hain.
Usme goonjta mera aaj khada
Kuch thandak hai inn hawaon mein
Aur bohot sara sukoon bhara
Aisi hi hoti hai wo chaand ki thandak?
Jinhen sunte, apna bachpan beet gaya
Kya sheetalta swarg ki aisi hai kahin?
Jisey suna kayion ka jeevan guzar gaya
Kya raambaan sukh yahi toh nahi
Kya kamdhenu vriksha aisa tha kabhi
Kya Ramcharitmanas mein hanumat
Ka Rambhakti amrit lagta tha yun hi?
Aisa hi amritmay bachpan mein,
yaad hai mujhko lagta tha
Zameen se shuru uss lambi khidki
Se yahi chaand chamakta dikhta tha
Mama sa ban chup shant bhav se
Kuch baatein meri sunta tha
Kyunki khud bhumi par bistar pe so
Holi mujhe khilayi thi
Khud bhookhe reh uss ke paiso
Se mere bhai ko idli chakhayi thi
Bohot pasand thi usko uski idli
Aur rangbhari mujhe holi meri
Kya kabhi unhen main unka wapas
Ye rinn chukta kar paungi
Kya kabhi unnsi balwaan main ban kar
Unke liye itna kar paungi?
Kya usi chaand ki thandak si khushiyan
Unki jholi mein bhar paungi?
Kya bhool maaf karne ki hadd
Ko paar kar kar ke thake nahi wo?
Kya raat bhar bhi jagkar subah
Hans dawa banna bhoole nahi wo
Kya insaani roop mein hain
Bhagwan, "maa baap" kehlate jo?
Nov 29, 2019
Nov 29, 2019 at 10:16 AM UTC
Bachpan ka samay kabhi na lautkar aata ,
Har waqt bus yaadon ka aasma reh jaata ,
Khelte the hum bhi khub dhul ko udel ko,
Maaf kr diye jate hamare sabhi galtiya aur bhul ko,
Jab chaha has lete they ,
Aur jab chaha ro dete they ,
Chhote chhote aankhon me sapne bade hote the,
Na kisi se bair,sare log apne hote the,
Par ab tou aansuo ko chahiye tanhayi ,
Chehre par sirf jhoothi muskaan hai chhayi ,
Zindagi ki tapish mein kab bachpan guzar gaya ,
Kab bachhe se bade ** gye zindagi ki daur mein nazar hi nahi aaya ,
Kya din they chalate they baarish mein nao
Ab khud ko chupane ke liye sochtey hain kha jao,
Na kuch paane ki aasha thi or na kuch khone ka drrrr,
Mast rehte they jaha apni hi dhun idhar udhar,
Koi lauta de bachpan ka sawan
Fir se mehak jayega mere dil ka aangan ,
Khelte they khilone se aaj khud khilona ban gaye ,
Bachpan ke sunhere pal na jaane kha kho gaye,
Maa se lipatne ke bahane bnate,
Maa ke aanchal ke chav me hi so jate,
Chhote se kadam se saitaniya bde karte the,
Papa Ki pyari daat pr bhi ro dete the,
Jab bhi rota mai,Maa apne sine se laga leti thi,
Sahlake haath sar pr mere muskura deti thi,
Maa ka dudh jaise amrit ka pyala tha,
Sach me hamara bachpan bahut hi nirala tha,
Amrit ka Ek ghut pi kar bhi khush ** jate the,
Duniya ka sabse bda sukh maa ke aanchal me hi pate the,
Yaad hai hume wo khubsurat bachpan ke pal,
Muskura dete hum jab bhi yaad aate wo sunhare bite kal........
4th collab. Poem composed by
Sonia Paruthi & Manish Shrivastva
Mar 26, 2018
Mar 26, 2018 at 8:42 AM UTC
Khair choro ab rahney bhi doh,
Beetey wqt Ko jubaa pr aaney bhi doh,
Bhut Khel li Khel isq-mohbat ka,
Bachpan Ko jra zindagi se rubru honey doh!!
Bichurey saal Huey,
Na yaad hum aaye na tum,
Jaaney kaisey sbhi begaaney Huey,
USS gali se kyu anjaaney Huey!!
Sidhiyo pr chadhna seekha,sang mitti Mai girna,
Dosti ka mtlb ** ya pyaar ka fsana,
Hum sabney yhi seekha zindagi ka saath nibhana!!
Kya tum bhool gye wo yaadey,wo baatey,
Ghr jaaney ke raastey,
Barsaat Mai bheegtey,kichad Mai kudatey,
Bus ke pichey gulaab liye firtey,
Koi kuch khey toh whi adig ** jaatey!!
Kitni haseen hai wo yaadey, Bachpan ki baatey,
Fir kyu ek dujey se begaaney Huey,
USS gali se kyu anjaaney huey,!!
Khair choro ab rahney bhi doh,
Zindagi Ko Bachpan ki meethi yaado se rubru toh honey doh!!
Feb 23, 2018
Feb 23, 2018 at 10:35 AM UTC
ANDEHRA BAHUT GEHRA THA...........
chandani bhi thi...kuch sitare bhi the..par na jane kyu ...Andehra bahut gehra tha
Madhushala damak rahi thi andhe musafiron ki pukaar mein..par aawaz mein prem nahi tha bass thi do pal ke sukh ki duhai...
soot boot wale bhi aa rahe aur gir pad ke jaa rahe..
kuch motor pe aye the ussi par chale gaye....
andhe thee sab shayad...ya roshini ne andere ko chupa diya tha....kyki meine dekha tha...andehra bahut gehra tha.
madushala ke deewar ke par ek baachi roo rahi thi vo zindagi ki bhik mang rahi thi
na jane usne koon sa dukh dekha tha.....uski aanke laal aur maan bhari saa lag raha tha
Na vo matvale dekh paye na hum madhosh sunn paye uski pukar kyuki.... andehra bahut gehra tha
do matwalone uuse paise de chale..par kya vo uska guzara tha
kyuki sooch ke dekhiye andehri raat madhushala ke par vo baachi akeli thi
vo madhushala abhi bhi khadi hai..hamare dilo mein
shayad humne uska bachpan chiina
shayad vo andehra uske dukh ko chipa raha thi
vo raaat bahut kali thi..hawa matwali thi...uss raat aur anne wali raat andehra bahut gehra tha
Jun 1, 2018
Jun 1, 2018 at 4:18 AM UTC
Aaj fir wo bachpan ki yaadein khuli dhup ki kiran si yaad aa ***
hoton pe pyaari si muskaan khila ***
ek bchpn ki maasum chali dikhla ***
wo yaadon hamare befikre pn ki h
jb ersha se koe nataa naa tha
jb hamare muskano m chupa koe dokha na tha
jb khilkhila k hsne s waqt ne hme roka na tha
nahi koe bndhn ki beriyon ne jhkra tha
ab to bndhn ki beriya h
or rok tok ki jangire
wo bchpn ki yaadon ke aate hi
ek masum - schchi si muskaan chere ko khila jaati h
pr ush bchpn k chale jaane ki maeusi aankhon pe lata andhera sa h.
May 2, 2021
May 2, 2021 at 8:41 AM UTC
Ek arsa ** gaya mann se soye hue..
Woh bachpan wali gehri neend ab kahan ..!
Din bhar yahan wahan ki bhag daud me..
Rat me 'kal kya karna hai' ki jod tod me..
Kb fresher se experienced ** gaye,
Pata hi ni chala...
Woh beparwahi .. woh masti ab kahan..
Woh bachpan wali gehri neend ab kahan..!!
Mar 2, 2018
Mar 2, 2018 at 10:02 PM UTC
Meri ankahi amaanat, meri eklauti ibaadat,
Meri jarurat, tu hi to hai meri zindagi,
Jakhmo ka marham, mera naadaan bachpan,
Meri hasi, tu hi to hai meri amaadgi.
Meri pahli ummid, mera akhiri kadam,
Meri parchhai, tu hi to hai meri baarish,
Har sawaal ka jawaab, mera har khwaab,
Meri neend, tu hi to hai meri khwahish.
Tu hi to hai jiske liye
Main bejaan ab saanse leta hoon,
Rukhi zindagi ki jameen mein
Tere hi to waqt ke beej bota hoon.
Tu hi to hai jiske liye
Duniya mein apni baat rakhta hoon,
Begairat duniya ki baaraat mein
Khushiyo ki sougaat rakhta hoon.
En bejaar chaar deewaaro ko
Tu hi to hai jo ghar banaati hai,
Tu hi to hai mera aaj, aane waala kal
Tu hi to meri jeewan saathi hai.
~abhs
Apr 19, 2020
Apr 19, 2020 at 3:14 PM UTC
Papa ka office se ghara aana
Bhag kar unke pass jana
unke samne masumiyat se apne hath ko failana
yad karte ** n, jara soch kar batana
Dosto ko roj naye ajib-ajib namo se chidhana
Bhai-Bahan ko bina bt satana
School na jane ka roj naya bahana
Chupke se dusro ka lunch box kha jana
yad karte ** n, jara soch kar batana
Andhere se darkar maa ki aanchal me chup jana
Papa ki kandho par baithkar mele me jana
Khilono ke liye jid P arr jaana
Choti choti galtiyon par maa ka thapki lagna
Yad karte ** n, soch kar batana
Na tension thi duniya ki,
na tha paisa kamana
Kya the bachpan ke bhi din
jaisa mano Sare khushiyo ka fasana
Yad karte ** na, jara soch kar batana
May 22, 2020
May 22, 2020 at 3:59 AM UTC
Hindi Original:
Ab Aankhon Mein Neend Kahaan?
Wo to bachpan tha jab so jaate the,
Ab to jaane kaisi fikr sataati hai.
Wo to bachpan tha jab kha paate the,
Ab to motaape ki fikr sataati hai.
Wo to bachpan tha jab khwaab sajaate the,
Ab to saari duniya berang lagti hai.
Wo to bachpan tha jab sab apne the,
Ab to duniya dushman nazar aati hai.
Wo to bachpan tha jab khush raha karte the,
Ab to barson puraana duhkh sataata hai...
Wo to bachpan tha jab bhavishya ki chinta na thi,
Ab to beete ateet ka kabhi na khatm hone waala khed hai...
Here's the translation:
Where Has The Sleep Gone From My Eyes?
That was childhood, when I could sleep,
Now, worries keep me awake.
That was childhood, when I could eat,
Now, fears of weight gain haunt me.
That was childhood, when I'd weave dreams,
Now, the whole world seems colorless.
That was childhood, when everyone was my own,
Now, the world seems like an enemy.
That was childhood, when I was always happy,
Now, decades of sorrow haunt me...
That was childhood, when I didn't worry about the future,
Now, the unending sorrow of the past haunts me...
Jan 3, 2025
Jan 3, 2025 at 7:12 PM UTC
Bachpan se tha laad pyaar,
Sab mein achhe, imaandaar,
Hum bhi banenge khuddaar,
Sabne kaha bahu samachaar,
Par bahar jaane ka naakar tu vichaar,
Duniya mein bari hai andkaar.
Bachpan se tha laad pyaar,
Clg hogaya ab job ka tha khayaal
Ek dum se nikle the bahar,
Hairaan hogaye dekhkar,
Aise hotha hai dhuniya dhaar,
Na khoi address ka tha patha,
Na koi routes ka idea tha,
Poore shareer ke andhar chah gaya tha dar.
Bachpan se tha laad pyaar,
Junoon tha man mei,
Dhikana tha duniya ko kuch bankar,
Par jab aayi naukri ki baari,
Paani paani hogayi confidence saari,
Zor zor se padgaye thaane,
Aakhir kyu aati ** tum kamane.
Jo bachpan se thi perfect,
Uspe padgayi daant ka effect,
Mote mote nikalgaye aasu,
Rou bhi na toh kya karu khasu.
Rone ki humpe lag *** tag,
Sabko jaise bangayi mazak.
Kehne ko aazad hai hum,
Abhi bi hai laachari ki gum,
Aasan nahi hotha yeh sehna,
Mazak banake na rakdo,
Mere bhai aur behna.
Apr 7, 2022
Apr 7, 2022 at 4:21 AM UTC
Kal ki hi to baat h
Jab mai maa ka hath pakde
School ki or jata tha.
Ha kal ki hi to baat hai,
Jab mai baadlo par sawaar
Sapno ki dunia me
Dur kahi udd jaya krta tha.
Ha ye wahi daur tha,
Jab pariyo ki dunia ka apna wajood hua karta tha.
Syd sapno ko pakdne chah me
Ye sab kahi peeche chut gaya
Ha mai bachpan ki mayanagri se nikal
Is bheed me aa gya.
Jul 16, 2018
Jul 16, 2018 at 7:19 AM UTC
Kamal ka phool kechad mein khilta hai
Par dekk tere damann mein kechad kitna hai
Pyar baatne se badta hai
Dharm ke naam phe tu kyu ladta hai
Janta hu koi naah hai masoom
Par akhir mein insan hi tho marta hai
Bhattka sa tu firta hai
Tutt jaane phe
Hasna kyu bhulta hai
Aye musaafir tujhe aage badna hai
Tu chalta re
Manzil ka pata nahi
Kar wahi jo lage dil ko sahi
Yaar aaise hai jo
Bhulane par bhi bhulte nahi
Bachpan ki yaade
Whai purani baate
Andheri raato mein hum ghum ** gaye sabhi
Kho diya humne apne aapko
Iss insano ki basti mein kahi
Abb kyu jalta hai tu
Naah raha ishq naah mehboob
Kya baacha hai karne ko mehsus
Dillagi aur bedardi ke beech hu masroof...
Mar 28, 2021
Mar 28, 2021 at 10:31 AM UTC
E mann tu udaas na hona ab,
Ki maine tere bachpan k sare sapne tod diye,
Tujhe bhi to malum tha ki,
Har dekha hua sapna,
Hamesha to mukkamal nahi ** sakta!
To phir tu shikyat mat karna ab,
Ki kya sapne dekhe the, aur ab kya hoon mein!!!
Jun 3, 2020
Jun 3, 2020 at 12:14 AM UTC
ik bachpana tera ni...
dil bharda na mera ni...
ik sacchi gal aankhaan main ?!??
ae kade vi ni bharna !
-aadi
Dec 14, 2019
Dec 14, 2019 at 1:13 PM UTC