Naka-upo't nakatitig
sa langit,
walang ibang iniisip-
ikaw.

Para kang isang buwan,
malayo ma't 'di ko maabot
ngunit ang mga mata ko'y
tila baga uma-apoy
sabay sa puso kong kay
bilis pumintig

Para kang isang buwan,
malayo ma't wala sa'king tabi
ngunit kung ika'y na-iisip
tila ba'y napawi mo itong
pighati

At muli-
para kang isang buwan,
malayo ma't kahit kailan
'di ka mapapasaakin
ngunit ikaw itong
nagbibigay buhay
sa mundo kong
madilim.