#paalam
Ang takip-silim ay tuluyan ng natapos
Liwanag ay hindi na muling masisilayan
Gaya ng paghawak mo'y hindi na kailan man mararamdaman
Dapat ba kong mapanatag na ika'y nasa kapahingahan
Gayong kapalit naman labis kong kalungkutan
Ngunit sino ba ko para kwestyunin ang kagustuhan nya
Ako'y isa lamang din alabok
Kaya't mag pahinga kana sa piling ng Maykapal
Satin muling pag krus ng landas
Ikaw at ikaw parin ang NanaykongMahal ❤️
Sep 15, 2025
Sep 15, 2025 at 9:25 AM UTC
patawad sa hindi paglaban
patawad sa agarang pagsuko
patawad sa natitira pang salita
na hindi kailanman makabuo--
ng isang diretsong talata
upang ang lahat ay mapaliwanag
ngunit hindi na rin naman kailangan
dahil huli na ang lahat
Sep 30, 2020
Sep 30, 2020 at 4:09 AM UTC
Di pipigilan
ang puso
na tumangis
Ang luha
sa pagpatak
nang dahan-dahan
Ilalakad pa rin
ang mga nanginging na paa
kahit masakit
Imumulat ang mga mata
habang lumuluha
at tinitingnan ka papalayo
Bubuksan ang kamay
lalo na't hindi
na hawak ang iyong palad
Hahagkan ang hangin
sa pagbabakasakaling
ika'y babalik
Titingnan ka na lang
sa malayo
at ngingiti
Sa pagkakataong iyon
alam kong ika'y
masaya sa kanyang piling
Hindi na pipilitin
at alam kong
ika'y di para sakin
At lalaging sasabihin
na kung hindi lang din ikaw
ay huwag na lang
Sa muling pagtatagpo
sa huling pagkikita
sa huling hininga
ikaw...
Feb 14, 2020
Feb 14, 2020 at 7:45 AM UTC
patawad
sa mga tulang
nagpanatili pa sa'yo
o sa kung ano man ang meron tayo
patawad
sa muling pagbukas
ng matagal ng saradong pinto
patawad
sa paulit-ulit
na pagsaksak sayo
ng mga salita at letra
na sinusulat ko
patawad sa pagsulat pa nito
pero sana maintindihan mo
na ito na lamang ang kaya kong gawin
upang mawala ang sakit
na dinulot din naman nating dalawa
ito na lamang ang naging gamot
sa mga sugat na nadama
noong una kang nawala
at ngayong patuloy kang nawawala
ngunit huwag kang magalala
wala naman akong gustong dugtungan
sa mga bagay na tapos na
at alam kong mali
at alam **** mali
kaya patawad sa pagsulat pa nito
at paulit-ulit na patawad
sa pagsusulat pa ng paulit-ulit
kagaya nito
Nov 6, 2019
Nov 6, 2019 at 4:51 AM UTC
Paalam sa munting kinang sa kanto ng iyong mga mata. Sa unang alab ng huling araw magpapaalam ang bihag ng tanikala. Walang humpay ang daluyong ng mga ala-ala.
Salamat sa unang halik at iyong natatanging labi. Mula sa una at sa huli. Ito na ang huling paalam. Papadayon din ang araw, bukas o sa makalawa, o hindi kahit kailan.
Walang luha o sugat na lalatay sa iyong balat. Hindi kailangang manatili sa ala-ala nating dalawa. Mula dito at sa mga susunod na araw, buwan, at taon.
Para sa ating dalawa ang paalam na ito. Hindi na kailangan magkubli sa anino ng masaya at masalimuot na nakaraan. Ito ang ating hudyat, ang ating kidlat mula kay bathala.
Para sa muling pagkinang ng iyong mga mata. Sa ala-ala ng buwan at ng mga bituin. Sia lahat ng bagay na nagpangiti sa iyong puso at labi. Paalam aking dagat, aking asul na langit.
Minamahal kita.
Jul 2, 2019
Jul 2, 2019 at 11:34 AM UTC
kaliwa't kanan ang tingin
naghahanap lagi sa dilim
ang iyong buhay na puno ng lihim
ngayo'y ayaw kang patahimikin
kaliwa't kanan ang naririnig
sa mga tunog na hindi naman himig
mga salitang tila nakakayanig
ng pagkatao mo dito sa daigdig
kaliwa't kanan ang nararamdaman
ang saya na napalitan ng kalungkutan
unti-unting nababalot ng kahirapan
ang dating tayo'y puno ng kasiyahan
kaliwa't kanan akong humihiling
sana'y bumalik ka sa aking piling
bumalik tayo sa masaya at puno ng lambing
sana'y ikaw talaga ang para sa akin
May 8, 2019
May 8, 2019 at 10:10 PM UTC
iwanan ang lahat
bago pa lumalim
ang mga sugat ng puso
na hindi na gagaling
kung ngayon ako'y lilisan
ako'y humihingi ng kapatawaran
sapagkat ito ay nararapat
upang hindi na kayo masaktan
pagdating ng ilang buwan
unti-unti niyo akong malilimutan
sa aking pagpapaalam
sana'y tanggapin niyo ang aking pagbitaw
May 7, 2019
May 7, 2019 at 9:22 PM UTC
ang mga larawan **** aking paboritong pagmasdan
ang mga ngiti **** umaabot sa buwan
ang sakit isipin na hindi pala ako ang dahilan
ng mga ngiti sa labi **** kay sarap halikan
puso't isip ko'y nagtatalo
ako ba'y kakapit pa sa mga binitawan **** pangako
hindi ko alam saan ako nagkulang, mahal ko
ipinagpalit mo ako nang panandalian para sa ibang tao
ngunit hindi ko alam paano ko nagagawa
ang patawarin ka kahit ako'y lumuluha
bawat umaga'y unti unting nanghihina
bawat gabi'y unti unting hindi makahinga
gustuhin ko man kumapit para sa ating dalawa
ngunit oras na para ako'y magpaalam na
huwag ka na mag-alala
malalampasan ko rin ito at kakayanin ko rin mag-isa
hinihiling ko'y maging malaya ka at masaya
sa huling linya na ito
paalam na,
aking sinta.
Nov 25, 2018
Nov 25, 2018 at 10:03 PM UTC
unti unting nawawalan ng gana
pero heto ako, tuluyan pa ring umaasa
sa bawat umaga nating dalawa
hindi ko mapigilan na kumapit nalang sa bawat "sana"
kung bakit nagkaganito
hindi ko alam
ang sabi mo, mahal mo ako
pero bakit parang iniwan mo na ako?
hanggang kailan kaya ako maghihintay
kasi sabi mo'y ika'y babalik
pero sa bawat araw na nagdaan
parang nawawalan na ng halaga ang "walang hanggan"
Oct 7, 2018
Oct 7, 2018 at 4:16 AM UTC
Maglalakad na
Ako palayo
Palayo sa
Mga ala-ala
Palayo sa
Nakaraan
Palayo sa
Ating dalawa
Patungo sa
Lugar na
Wala na ang
Ikaw at Ako.
Jul 18, 2018
Jul 18, 2018 at 10:41 PM UTC
Isa. Dalawa. Tatlo.
Magkasama lagi tayong tatlo.
Tayo lang, oo.
Hindi siya. Hindi sila. Tayo lang sabi niyo.
Pero, bakit nadagdagan?
Gumawa naman ako ng paraan
Pero kayo naman ang lumilihis sa ating daan.
Ay, mali. Sa inyo lang pala. At sakin lang pala.
Teka, sige, ayus lang pala madagdagan
Pero habang tumatagal ako na ata yung nakakaligtaan
Bakit?
Bakit naman ganon?
Sa hinaba haba ng panahon
Eto pala ang ating mapapala
Mawawala at maghihiwalay
Pupunta sa kani kaniyang landas at saka sabi ng ba bye
Sa tingin ko masaya na kayo
Sana masaya na rin ako
Kahit nasira yung pangako
Nabuksan naman ang pintuan ng kasalukuyan at naisara ang kahapon
Pero paniwalaan niyo ako, lungkot pa rin ang aking baon
Lumilipas ang araw na walang nakakaalala
Dumaraan ang mga gabing nakaharap sa mga tala
At naiisip na, bakit ako iniwan?
Nakikita ko kayo at binabati niyo ko
Pero paano niyo nagagawang ngumiti na parang walang nagbago?
Sa harap ko pa talaga sinasabi niyo mga sarili niyong plano
Habang heto ako, sinusubukang hindi maapektuhan pero paano?
Sa ilang taon na pinagsamahan, nasayang na nang tuluyan
Sabihin niyo.
Pano mapapawi ang lungkot dahil sa mga kaibigang minahal **** totoo.
At sigurado akong totoo kasi nasasaktan pa rin ako nang ganito.
Ang dating masasayang alaala nating lahat.
Nagtapos na lamang sa pasasalamat
May 10, 2018
May 10, 2018 at 11:30 AM UTC
Mahal, tanda mo pa ba yung araw ng ating pagkikita?
Kung saan lahat ay ating ginawa upang kilalanin ang isa't isa.
Mahal, tanda mo pa ba kung paano mo ako kantahan sa mga gabing tumatawag ka?
Kung saan bawat salita natin ay nakakapagpakilig sa buong sistema.
Mahal, tanda mo pa ba ang mga araw na tayo ay magkasama?
Kung saan ang presensya ng bawat isa ang sa atin nakapagpapasaya.
Mahal, tanda mo pa ba ang mga araw na punong-puno tayo ng problema?
Kung saan pilit natin itong kinakaya kahit ang bigat bigat na.
Kay sarap isipin, kay sarap balikan.
Ngunit paano ko ito babalikan kung ako'y iniwan mo ng nag-iisa at luhaan.
Naniwala ako sayo.
Nagtiwala ako sa mga pangako mo.
Hindi ako tumigil kahit nasasaktan na ako.
Nanatili ako kahit alam kong lokohan nalang ito.
Ginawa ko lahat para sa relasyon na ating binuo
Pero mahal, bakit ka sumuko?
Nasan ka na? Nasan na ang mga binibitawan na mga pangako?
Yung pangakong ako lang ang nasa puso mo.
Yung pangakong ikaw lang at ako.
Yung pangakong hindi ka maglokoko.
Yung pangakong kakayanin natin ito.
Yung pangakong tayo lang dalawa hanggang dulo.
Wala na. Naglaho ng parang bula.
Wala na. Dahil may iba ka ng sinisinta.
Sabi mo mahal na mahal mo ako.
Ngunit anong nangyari at nagkaganito?
Akoy iyong ginago at paulit-ulit na niloko.
Ika'y biglang nagbago at unti-unting naglaho.
Bakit mo hinayaang magkaganito?
Pero mahal, alam mo ba?
Mahal na mahal parin kita kahit mukha na akong tanga.
Mahal na mahal parin kita kahit may iba ka na.
Mahal na mahal parin kita kahit alam kong wala ng pag-asa.
Mahal na mahal parin kita kahit tinalikuran mo ako at pinili mo siya.
Pero mahal, pasensya kana dahil ito ay sobra na.
Pagod na pagod na ako kaya pinapalaya na kita.
Ito na ang panahon para piliin ko ang sarili ko.
Ako na nagpakatanga sayo.
Ako na kinalimutan ang sarili ko.
Sarili ko na napabayaan ko dahil sa labis na pagmamahal sayo.
Sana sa araw na ika'y pinalaya.
Hinahangad ko na seryosohin ka niya.
Sana pasayahin mo siya sa araw na kayo'y magkasama.
Sana mahalin mo siya gaya ng pagmamahal ko sayo
Pagmamahal na hindi mo naibigay sa isang tulad ko.
Kaya naman mahal hanggang dito nalang tayo.
Kahit mahirap kakayanin ko.
Kahit masakit titiisin ko.
Paalam mahal, dahil ito na ang huling araw ng pagpapakatanga ko sayo.
Oct 16, 2017
Oct 16, 2017 at 2:27 AM UTC
Hindi ko alam kung saan sisimulan
Kung paano tatapusin itong aking liham
Ni hindi ko alam kung kakayanin ko pa
Ang salitang "pamamaalam".
Hindi ko alam kung mababasa mo pa to.
Hindi ko rin alam kung naririnig mo pa ko.
Kung kaya pa bang mabasa ng mga mata mo
at marinig ng mga tenga mo
ang nais kong sabihin para sa'yo.
Maraming mga alaala ang iyong iniwan
Maraming pangako ang hindi na masusulyapan
Mga bagay na dati'y pangkakapitan
Ngayo'y bibitawan na sa iyong paglisan.
Gayunpaman, maraming salamat
Hindi ko man masasabi dito sa’yo ang lahat
Pero Mahal na mahal kita at yun ay tapat…
Oct 2, 2017
Oct 2, 2017 at 2:37 PM UTC
Kay bilis din ng panahon aking kaibigan
Tulad ng paglaho ng pangalan mo sa inbox ng cellphone na gamit ko
Na dati ay napupuyat upang makatext lamang ang isang tulad mo
Ngayon ay nagtatanong kung mayroon ka pa ba ng mga numero ko?
Kay dali nga siguro lumipas ang oras
Tulad ng chat box sa facebook na hindi na kita mahanap
Na noon ay laging nasa unahan at puno ng tawanan ang nilalaman
Ngayon ay tila nalulumbay at ayaw tumahan
Salamat sa lahat ng mga alala na ito aking mahal
Masaya akong ulit ulitin ito sa aking isipan
Huwag ka mag alala dahil ako ay hindi nangangamba
May langit pa naman, kung saan walang time limit ay makakapiling ka.
Oct 2, 2017
Oct 2, 2017 at 12:04 AM UTC
Hayaan na lang nating matunaw ang tula,
Na hindi nabigkas sa dulo ng dila,
Lipadin na lang ng hangin ang mga letra't salita,
Hindi din naman pakikingan, mabuti pang mawala.
Hayaan na lang nating kalimutang bigla,
Ang pasuyong nakalaan sana sayo,
Isabay na lang sa pag takbo ng mundo,
Sa kanan ka, sa kaliwa ako.
Sep 18, 2017
Sep 18, 2017 at 7:04 PM UTC
Iiwan kita hindi dahil meron na akong iba.
Iiwan kita dahil gusto ko nang lumaya.
Iiwan kita hindi dahil ayoko na kitang makita.
Iiwan kita dahil ayoko nang pagmasdan ang mga luhang
nangingilid sa iyong mga mata.
Hindi ko na kaya!
Ang makita kang lugmok at naghihimutok sa lungkot.
Ito’y nagdudulot sa puso ko ng kirot.
Tama na! Tama na! Tama na!
Tahan na aking sinta.
Ako sana’y unawain.
Napakabilis ng mga pangyayari.
Hindi ko alam ang hiwaga mayroon ka.
At iyong nasungkit ang matamis kong oo.
Mabilis. Napakabilis. Sadyang kaybilis.
Heto ako ngayo’t litong-lito.
Sana’y hindi nagmadali.
Sana’y natutong maghintay.
Sana’y walang taong nadamay.
Oo. Sa tinagal ng ating pagsasama,
Ngayon ko lang napagsama-sama.
Ang mga himutok ng aking saloobin.
Ako’y naging mapusok at ngayo’y naghihimutok.
Sana’y walang inaalala.
Sana’y hindi kinokonsensya.
Sa tingin ko ay ito ang tama,
Ang ika’y iwanan ng ika’y mabuhay.
Hindi ko batid ang sakit na iyong nararanasan.
Aking irog, ako man di’y nahihirapan.
Ang higpit ng iyong pagkakahawak,
Siyang sumasakal sa akin tuwina.
Iiwanan kita dahil ayoko na.
Oo! Ayoko na!
Tatapatin kita aking sinta,
Hindi ko na kaya!
Hindi na ako masaya.
Sa pag-inog ng mundo ako’y unti-unting nawawala.
Nawawala sa sarili.
Nawawala sa landas na aking dapat tahakin.
Sadyang kay mura pa ng aking edad
Upang sumuong sa ganitong realidad.
Nadala lang marahil ng matinding emosyon.
Sa tagal ng ating pinagsamahan aking napagtanto,
Hindi ikaw ang saki’y siyang nakalaan.
Tayo’y pinagtagpo upang matutunan ang isang leksyon.
Hindi para sa iyo ngunit para sa akin.
Aking kaibigan ako sana’y patawarin.
Hindi ko sadyang puso mo ay wasakin.
Ang hirap! Napakahirap!
Sa dalawang taong ating pinagsamahan,
Hindi kita malilimutan.
Aking pagsusumamo na sana’y
Paglipas ng panahon ay iyong matagpuan
Ang taong magmamahal sa iyo ng lubusan.
At hindi ipaparanas ang pait ng kahapong ating pinagdaanan.
Iiwanan kita dahil alam kong kaya mo na na ako’y wala na.
Iiwanan kita dahil nais kong iyong ipagpatuloy ang iyong buhay.
At nang matupad ang iyong mga plano para sa iyong pamilya.
Sinta alam kong ito’y sadyang masakit.
At sa pagtatapos nitong aking talata.
Nawa’y iyong ibigay ang aking kahilingan.
Sinta, ako sana’y palayain mo na.
Iniwan kita hindi dahil ayoko na.
Iniwan kita dahil mahal kita.
Sadyang ang lubos na pagmamahal na nararapat sayo
ay hindi mo matatamo sa akin bagkus ito’y iyong
matatamasa sa piling ng iba.
Jul 25, 2017
Jul 25, 2017 at 10:26 PM UTC
Her face-
A thousand suns,
A cosmic dance under
The ever-expanding escape;
The curtains that fall heavily
Upon the eyes of oblivion.
Her hands-
A fox running
Through the meadow;
The open cages that
Confine gloom back
Into its prison.
Her eyes-
An indefinite eternity,
Through which both
Dark and light speak;
The great
Illusionist.
Her lips-
A bitter moonlight
Casting its shadow upon
Persisting glow;
The ripeness of a
Mango in its season.
Her feet-
A battered road
Folding upon itself
As it struggles to find
Its way home;
The seeds scattered
In every empty hole.
Her-
A desolate daydream
That runs through
Unbounded space;
The deep ocean trench
I’ve completely
Drowned in.
May 7, 2017
May 7, 2017 at 12:02 PM UTC
You are looking for the kind of love that I cannot give.
In fact, it is the kind of love that cannot be given by anybody else,
But you.
I know you think you've been through the seven circles of hell
That everyday it seems like the entire universe is conspiring against you
That as if the moment you step out of your home, the ground starts to crumble beneath your feet.
But love,
Do not be afraid.
You were made to conquer the army of Palestines
And climb atop the tower of Babel
You were made to crush the walls of Jericho and part the waters of the red sea
You are meant to be so much more than a pawn
You are a king
But a king knows the pain of becoming a servant
For he himself is a servant of the people
Do not forget that your strength comes from within you
Not from the foul words of those who envy
Or from the empty bullet cases of those who desire your failure
Your inviolability comes from yourself
Do not let anyone, ever, make you feel less of who you are
You are a king
You
Are my king
And all I wish for you is happiness beyond measure
Joy that fills the deepest holes in your hollowed heart
Courage that you may step out of your comfort zone and do amazing things
And most of all
Security
You do not need words of validation from your peers
You do not need claps and screams of praises from the crowd just to prove that you are worth something
Do not change for anyone
Not even for me
You are worth more than a thousand diamonds or a million bricks of gold just because you are who you are
I cannot tell you that it will all be good days
Because I am sure that there will be days that feel like ****
You will feel burdened with the weight of the world
You will kneel at the guns of those who criticize your gifts
You will doubt yourself
And you will doubt me
I am sure of that
And there will be times when I would want to let go of your hand
When I will scream at the absence of your attention
When I will run away from the problems WE have to face
But love,
Know that I won't.
I will run the race with you, and carry you if your feet start to fail
I will sing to you when the music stops playing
I will remind you every single day that
You are loved
When you smile
You are loved
When you fail an exam
You are loved
When you are betrayed by your friends
You are loved
When you are at your worst
You are loved
When you don't love me anymore
You are loved
And when the time comes when you want silence from my side
I will willingly give it to you
I will shut up
I will close my eyes
I will take the pain
I will catch your punches
I will receive your harsh words
I will stand up
I will walk away
I will let go
IF you want me to
I will.
You know what is best for you
And I know what is best for me
For now
I just know
That what is best for me
Is you.
On a last note, don't let anyone, ever
Make you feel like you don't deserve what you want
Thank you love
For everything
Oct 30, 2016
Oct 30, 2016 at 1:15 PM UTC
*Nagsimula ang lahat
sa isang 'paalam na'
Simula noon, aking
napagtanto na
ika'y mahal na*
Sep 10, 2016
Sep 10, 2016 at 8:09 AM UTC
"Paalam na mahal." Yan ang huling katang narinig ko mula sa iyong bibig, ang mga salita na tila mga kutsilyong namutawi sa aking dibdib. Naalala ko ang araw ng ating pagtatapos, ang sabay nating pagsaksi sa takipsilim, ang unti-unting pag-angat ng buwan, at ang paglangoy ng mga bituin na tila mga isda sa ating paningin. Mahal. Oo, mahal pa rin kita, ikaw ang natatanging tama sa aking mga pagkakamali, ikaw ang rason sa likod ng mga bakit, ikaw ang ngayon sa tanong na kailan. Oo, ikaw, ikaw na minahal ko ng matagal na panahon at ngayon ay nilisan ang piling ko, sana nakinig na lang ako sa nanay ko, sana binuksan ko ang tenga ko para sa mga sermon ng ate ko, at sana nakita ko ang mga babala tungkol sayo. Ang tanga-tanga ko. Oo, ang bobo ko, sana nakinig na lang ako sa mga payo ng kaibigan ko.
Aug 28, 2016
Aug 28, 2016 at 10:43 PM UTC
Para sa mga pangarap na patuloy nating tinutupad kahit HINDI na tayo magkasama,
at para sa mga panagarap na hindi na natin matutupad dahil HINDI na tayo magkasama.
pangarap.
Feb 15, 2016
Feb 15, 2016 at 5:06 AM UTC
Ito na ang huling araw na iisipin ki*Ta
talikuran ang lahat ng alaa***La
rawan natin ay itatago sa basura***Han
da na ako na ikaw ay kalimutan*
Aug 12, 2015
Aug 12, 2015 at 11:25 AM UTC
gigising at muling sasabihin
na kakayanin at tatanggapin
mag-isa ko nga bang haharapin
bigat ng aking damdamin?
iiwanan mo rin ba
ang puso ko na binuhay mo pa
sana di na lang nag-abala
para ngayon ay tanggap ko na
ayoko na, tama na, awat na
pakiusap ko, sinta
malabo na ako'y makabangon pa
kung puso mo sa aki'y magsara
hayaan, iwanan, paalam
palayain sa baging
na ako rin ang naghaing
bitawan, wag sundan, paalam
May 31, 2014
May 31, 2014 at 7:30 AM UTC